Ulttyq bank bazalyq mólsherlemeni 9% deńgeıinde saqtap qaldy
Tıisinshe, ótimdilikti usyný boıynsha turaqty qol jetkizý operatsııalary boıynsha mólsherleme 10,0% jáne ótimdilikti alý boıynsha turaqty qol jetkizý operatsııalary boıynsha mólsherleme 8,0% bolady.
«Sheshim ınflıatsııany orta merzimdi kezeńde 4-6%-dyq nysanaly dálizge qaıtarý maqsatynda qabyldanyp, táýekelder teńgeriminiń proınflıatsııalyq faktorlar jaǵyna qaraı yǵysýymen negizdeldi. Syrtqy jáne ishki ınflıatsııalyq qysym ulǵaıdy, azyq-túlik baǵasynyń odan ári kóterilý táýekeli artty, ınflıatsııalyq kútýlerdiń joǵarylaýy baıqalady. Sonymen qatar elde jáne álemde koronavırýstyq ınfektsııaǵa baılanysty belgisizdik saqtalýda», – dep habarlady bankten.
Jyldyq ınflıatsııa 2020 jyldyń qorytyndysy boıynsha Ulttyq banktiń boljamyna sáıkes qalyptasyp, 7,5% boldy.
Qazaqstan ekonomıkasy 2020 jyly 2,6%-ǵa qysqardy, bul Ulttyq banktiń boljamdaryna sáıkes keledi. ІJÓ-niń qysqarýyna taý-ken óndirisi, saýda jáne kóliktiń tómendeýi teris áserin tıgizdi. Taý-ken ónerkásibindegi quldyraý munaı men gaz kondensatyn óndirý kóleminiń tómendeýine baılanysty. Kóliktiń qysqarýyna júk aınalymy men jolaýshylar aınalymy kóleminiń tómendeýi yqpal etti. Saýdanyń teris serpini karantındik shekteýlerdiń saqtalýyna jáne tómen suranysqa baılanysty boldy. Sonymen qatar, ІJÓ serpinine óńdeý ónerkásibi, aýyl sharýashylyǵy, qurylys, aqparat jáne baılanys, sondaı-aq memlekettik sektor oń úles qosty»,- dep atap ótti Ulttyq bank.