Ulttyq bank bazalyq mólsherlemeni 9,25 paıyzdyq deńgeıde saqtap qaldy

ASTANA. QazAqparat - Qazaqstannyń Ulttyq banki bazalyq mólsherlemeni 9,25 paıyzdyq deńgeıde saqtaý týraly sheshim qabyldady. Bul týraly Qazaqstan Ulttyq bankiniń tóraǵasy Danııar Aqyshev BAQ-qa arnalǵan brıfıng barysynda aıtty, dep habarlaıdy QazAqparat tilshisi.

Ótimdilikti usyný jáne alý operatsııalary boıynsha mólsherlemeler tıisinshe 10,2 jáne 8,25 paıyzdyq deńgeıde ózgerissiz qaldy. Resmı qaıta qarjylandyrý mólsherlemesi 9,25 paıyzdyq deńgeıde qaldy.

«Aǵymdaǵy sheshim kezinde jyldyq ınflıatsııanyń naqty deńgeıi, onyń aǵymdaǵy jylǵy boljamdyq mánderine jáne baǵalaryna sáıkestigi, sondaı-aq halyqtyń ınflıatsııalyq kútýleriniń baıqalyp otyrǵan tómendeýi nazarǵa alyndy», - dep túsindirdi D. Aqyshev.

Ol jyldyq ınflıatsııanyń nysanaly dálizge sáıkes deńgeıde qalyptasatyndyǵyn atap ótti.

Onyń aıtýynsha, bazalyq mólsherlemeniń aǵymdaǵy deńgeıi edáýir kúızelister bolmaǵanda 2019 jyldyń sońynda 4-6 paıyzdyq jańa dálizdiń ishinde ınflıatsııanyń qalyptasýyn qamtamasyz etetin bolady.

«Bul rette Qazaqstan Ulttyq banki álemdik naryqtardaǵy, atap aıtqanda munaıdyń álemdik naryǵyndaǵy úrdisterdi, sondaı-aq basqa elderdiń ortalyq bankterindegi ózderiniń mólsherlemeleriniń deńgeıi boıynsha sheshimderin muqııat qadaǵalaıdy», - dedi D. Aqyshev.

Qazaqstan Ulttyq bankiniń basshysy ınflıatsııany nysanaly dálizdiń sheginen tys jibermeýdiń aldyn alý Ulttyq banktiń mindeti bolyp tabylatyndyqtan syrtqy sektor tarapynan táýekelderdi baǵalaýdyń basym ekendigin atap ótti.

«Negizgi shıkizat naryqtarynda naqty qubylmalylyqtyń ishki makroekonomıkalyq kórsetkishterge jáne qarjy sektorynyń kórsetkishterine yqpaly kúsheıgen kezde aqsha-kredıt saıasatyn qatańdatý týraly sheshim bazalyq mólsherlemeniń deńgeıin keıinnen qaraý kezinde qabyldanýy múmkin», - dedi D. Aqyshev.

Bazalyq mólsherleme boıynsha kezekti sheshim 2019 jylǵy 4 naýryzda Astana ýaqytymen saǵat 17:00-de jarııalanady.