Ulttyq bank bazalyq mólsherlemeni 12% deńgeıine deıin tómendetti
ASTANA. QazAqparat - Qazaqstan Respýblıkasynyń Ulttyq banki bazalyq mólsherlemeni +/-1% dálizimen 12% deńgeıine deıin tómendetý týraly sheshim qabyldady, dep habarlaıdy banktiń baspasóz qyzmetinen.
«Bul sheshim banktik salymdardy dollarsyzdandyrý qarqynymen, halyqtyń ınflıatsııalyq kútýleriniń tómendeýimen saqtalyp otyrǵan boljamnyń baǵytyna sáıkes negizdeldi. Bul rette halyqaralyq naryqtaǵy aktıvterdiń shetel valıýtasynan ulttyq valıýtaǵa aýysýy protsesiniń báseńdeýimen kórsetiletin belgisizdik ósýi jáne ekonomıka men qarjy sektorynyń syrtqy kúızelisterge sezimtaldyǵy bazalyq mólsherlemeni odan ári tómendetýge muqııat qaraýdy talap etedi. Ekonomıkalyq ahýal aıtarlyqtaı jaqsarǵan jáne qarjy naryǵyndaǵy ahýaldy turaqtandyrý belgileri ornyqty bolǵan kezde bazalyq mólsherlemeni tómendetý múmkin boldy», - dep jazylǵan habarlamada.
