Ulttyq bank bazalyq mólsherleme saıasatyn ózgertýi kerek – Rahym Oshaqbaev

NUR-SULTAN. QazAqparat – «Úkimet Prezıdentti uıatqa qaldyryp otyr». Ortalyq kommýntsıkatsııalar qyzmetinde ótken sarapshylar keńesinde «Qazaqstan Halyq partııasy tóraǵasynyń orynbasary Rahym Oshaqbaev Memleket basshysy halyqqa Joldaýynda Úkimet jumysyn nege synaǵanyn túsindirdi, dep habarlaıdy QazAqparat tilshisi.

«Ekonomıst retinde Joldaýda aıtylǵan bastamalardy quptaımyn. Aıtylǵan oılardan Úkimet Prezıdentti uıatqa qaldyryp otyr degen túıin ańdadym. Shyn máninde, Memleket basshysy bul jolǵy Joldaýda kótergen máseleler jyldar boıy aıtylyp júr. Burynǵy Joldaýlarda da, saılaýaldy baǵdarlamalarda da aıtylyp keledi. Sonyń ishinde zeınetaqy júıesine qatysty másele de bar. Jańa ekonomıkalyq saıasattyń mindetteri keıingi úsh jylda birneshe ret berildi. Men sonyń sońǵy redaktsııasyn kórdim. Jańa eshteńe joq. Soǵan qarap Úkimettiń qolynan jańa ekonomıkalyq saıasat qalyptastyrý isi kelmedi dep aıtýǵa bolady», - dedi sarapshy.

Partııa ókili Úkimettiń júrgizip otyrǵan ekonomıkalyq saıasaty men Ulttyq banktiń «neolıberaldy» ustanymy týraly oıyn aıtty.

«Damyǵan elderdiń bárinde bazalyq mólsherleme ınflıatsııadan tómen bolyp keledi. Al bizde bazalyq mólsherleme mindetti túrde oń sıpatty bolý kerek degen ustanym bar. Únemi ınflıatsııa máninen joǵary ustap otyr. Parlament qabyrǵasynda osynyń bári qyzý talqylanbaıtyny ókinishti. Munyń bári aqshanyń jetispeýine, nesıelerdiń azaıýyna ákelip tiredi. Jumys oryndary azaıyp barady. Sebebi uzaq merzimdi lıkvıdtilik tapshylyǵy baıqalyp otyr. Týyndaǵan daǵdarysqa Ulttyq banktiń monetarlyq saıasaty sebep bolyp otyr», - dedi ol.

Aıtýynsha, Ulttyq banktiń birinshi basshysyn aýystyrǵannan bul másele sheshile salmaıdy.

«ıAǵnı, jyldar boıy osyndaı ustanymmen jumys istep úırenip qalǵan departament basshysy men orynbasary deńgeıindegi sheneýnikterdiń bárin alastaý qajet», - dedi Rahym Oshaqbaev.