Ulttyq Bank basshysy teńgege qol qoımaıdy - Jarlyq
ASTANA. QazAqparat - Qazaqstannyń ulttyq valıýtasy - teńgede endi Ulttyq bank tóraǵasynyń qoly bolmaıdy. Memleket basshysy osy jóninde tıisti ózgeris engizdi. Resmı qujat Qazaqstan Respýblıkasy normatıvtik quqyqtyq aktileriniń aqparattyq-quqyqtyq júıesi saıtynda jarııalandy.
«Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasy Zańynyń 3-babyna sáıkes qaýly etemin: «Ulttyq valıýta - Qazaqstan teńgesi banknottary men monetalary dızaınynyń tujyrymdamasyn bekitý týraly» Qazaqstan Respýblıkasy Prezıdentiniń 2003 jylǵy 25 qyrkúıektegi № 1193 Jarlyǵyna (Qazaqstan Respýblıkasynyń PÚAJ-y, 2003 j., № 38, 384-qujat; 2008 j., № 31, 309-qujat; 2014 j., № 3, 16-qujat) mynadaı ózgeris engizilsin:
joǵaryda atalǵan Jarlyqpen bekitilgen Ulttyq valıýta - Qazaqstan teńgesi banknottary men monetalary dızaınynyń tujyrymdamasynda:
13-1-tarmaq alyp tastalsyn», delingen jarlyq mátininde.
Eske sala ketsek, Memleket basshysy «Ulttyq valıýta - Qazaqstan teńgesi banknottary men monetalary dızaınynyń tujyrymdamasyn bekitý týraly" Qazaqstan Respýblıkasy Prezıdentiniń 2003 jylǵy 25 qyrkúıektegi № 1193 Jarlyǵyna ózgeris engizgen bolatyn.
2016 jyldyń 28 qańtaryndaǵy Qazaqstan Prezıdentiniń Jarlyǵy qol qoıylǵan kúninen bastap qoldanysqa engiziledi.
