Ulttyq bank basshysy Reseıge qatysty sanktsııalar rejiminiń kúsheıýine baılanysty alańdaýshylyq bildirdi
ASTANA. QazAqparat - Búgin Ortalyq kommýnıkatsııalar qyzmetindegi brıfıngte QR Ulttyq bankiniń basshysy Qaırat Kelimbetov Qazaqstannyń mańyzdy ekonomıkalyq seriktesi Reseıge qatysty sanktsııalar rejiminiń kúsheıýine baılanysty alańdaýshylyq bildirdi.
«Alańdatatyn másele bizdiń iri saýda seriktesimiz Reseıge qatysty sanktsııalar rejiminiń kúsheıýi múmkindigine baılanysty. Qazaqstanǵa ımporttyń 36 paıyzyn reseılik ónim quraıtynyn, al qazaqstandyq eksporttyń 7 paıyzy Reseı naryǵyna baǵyttalǵanyn ózderińiz bilesizder», - dedi Q. Kelimbetov.
Onyń sózine qaraǵanda, Reseıden kapıtaldyń edáýir jylystaýynan bıylǵy jyly bul elde nóldik ekonomıkalyq ósim boljanýda.
«Biz úshin bul jaqsy jańalyq emes. Sebebi bizdiń ekonomıkalar ózara tyǵyz baılanysqan», - dep toqtalǵan Q. Kelimbetov osy oraıda búginde elimizde ekonomıkalyq ósim men ınflıatsııa turǵysyndaǵy máselelerge erekshe mán berilip otyrǵandyǵyn atap ótti.
