Ulttyq bank basshysy Qazaq bank jaǵdaıy týraly aıtty

ALMATY. QazAqparat - QR Ulttyq bankiniń basshysy Danııar Aqyshev Almatyda ótip jatqan onlaın-konferentsııa barysynda Qazaq bank-tiń jaǵdaıy týraly aıtty, dep habarlaıdy QazAqparat tilshisi.

«Bul jaǵdaıdy baqylaýda ustap otyrmyz. Aktsıonerler arasynda qarjylyq turaqtylyqty nyǵaıtý maqsatynda kelissózder júrip jatyr. Aktsıonerler jumys josparyn usyndy. Bul sharalardyń barlyǵy júzege asarynan úmittenemiz. Basqa aqparat bere almaımyn», - dedi Aqyshev.

Osy sátte Ulttyq bank basshysynyń onlaın-konferentsııasy ótip jatyr. 12 aqpannan beri Danııar Aqyshevtyń atyna 300-den astam saýal joldanǵan. Qazaqstandyqtardy bank sektoryn damytý, nesıe mólsherlemesi, aıyrbas pýnktteri men krıptovalıýtalar, sondaı-aq basqa da máseleler tolǵandyryp otyr.