Ulttyq bank aıyrbastaý pýnkterinde jeke derekterdiń saqtalýyn túsindirdi
NUR-SULTAN. QazAqparat – Ulttyq bank tóraǵasynyń orynbasary Oleg Smolıakov aqsha aıyrbastaý pýnkterinde qazaqstandyqtardyń jeke málimetteriniń saqtalýyna qatysty pikir bildirdi, dep habarlaıdy QazAqparat tilshisi.
«Málimetterdi fıksatsııalaý – aqshanyń jylystaýyna qarsy kúres júrgizýde óte qajetti qadam. Siz bank arqyly iskerlik operatsııalardy júrgizgen kezde olar barlyq málimetterdi tolyq jazyp alyp qalady. Aqshanyń jylystaýyna, terrorızmdi qarjylandyrýǵa qarsy kózqaras turǵysynan qaraǵanda, qaýiptiń baryn eskerý kerek. Іri soma qashan da qarajatty jylystatýǵa qarsy zańmen betpe-bet kelýi múmkin. Al shaǵyn somamen birneshe ret kelip, zańǵa qaıshy áreket jasaý jaǵdaıyn da eskergen jón», - dedi Oleg Smolıakov Úkimettegi baspasóz máslıhatynan keıin tilshilerdiń suraǵyna jaýap bere otyryp.
Aıta ketsek, buǵan deıin Ulttyq bank tóraǵasynyń orynbasary Oleg Smolıakov valıýta aıyrbastaý naryǵyndaǵy ózgerister týraly aıtyp bergen bolatyn.
