Ulttyq bank aınalysqa shyǵaratyn banknotada COVID-19 bolý yqtımaldyǵy óte tómen
ALMATY. QazAqparat – QR Ulttyq bankiniń qolma qol aqsha aınalymy departamentiniń dırektory Jomart Qajmuratov qolma-qol aqshadan vırýs juǵý yqtımaldyǵy týraly aıtty, dep habarlaıdy QazAqparat tilshisi.
COVID-19 vırýsynyń aqsha betinde ómir súrý ýaqytyna qatysty birneshe zertteý bar. Bir málimetterge sensek, vırýs ústińgi betterde 28 kún ómir súredi.
Eýropa ortalyq bankiniń málimetine sensek, COVID-19 vırýsy banknota betterinde birneshe saǵat qana turady.
«Bizdiń oıymyzsha, vırýstyń qansha ómir súretini týraly naqty málimetter áli belgisiz. Ulttyq bank banknotalardy aınalymǵa jibermes buryn 14 kún bank qaptamasynda saqtaıdy. Tek sodan keıin ǵana aqshany sorttap, esepteýge kóshedi. Banknotadaǵy vırýstyń qansha ómir súretini týraly naqty zertteý qorytyndysy joq bolǵandyqtan profılaktıkalyq maqsatta aqsha 45 kúnge deıin saqtalady», - dedi Jomart Qajmuratov.
Sondyqtan, COVID-19 vırýsynyń aqshanyń betinen adamdarǵa juǵý yqtımaldyǵy óte tómen.
QR Ulttyq bankiniń talabyna sáıkes, bankomattar men kassalyq tehnıkany zararsyzdandyrýmen ekinshi deńgeıli bankter men «Kazposhta» AQ, ınkassatorlyq uıymdar aınalysady.
