Ulttyq bank altynvalıýta qorynyń nelikten tómendegenin túsindirdi
Aldyn ala derekter boıynsha, Ulttyq banktiń jalpy halyqaralyq rezervteri bir jyl burynǵy kórsetkishten 3,1% tómendep, 34,4 mlrd dollar bolǵan. ıAǵnı, eldiń altynvalıýta qory jyl basynan beri 3,5% tómendegen.
«Altynvalıýta rezervteriniń tómendeýi memlekettik boryshty tóleýden, Úkimet pen Ulttyq bank klıentteriniń korrespondenttik operatsııalarynan, sondaı-aq valıýtalyq ınterventsııalar esebinen boldy», - dep jazady Ulttyq bank saıty.
Aldyn ala derekter boıynsha, Ulttyq qordyń shetel valıýtasyndaǵy aktıvterin qosqanda (55,3 mlrd AQSh dollary) eldiń jalpy halyqaralyq rezervteri jeltoqsannyń sońynda 89,7 mlrd dollar bolǵan.
«2021 jyldyń jeltoqsan aıynda aqsha bazasy 4,6% keńeıip, 10 957,7 mlrd teńgeni qurady. Bul jyl basyndaǵy jaǵdaıdan 12,1% artyq. Al ekinshi deńgeıdegi bankterdiń Ulttyq banktegi merzimdi depozıtterin eseptemegendegi aqsha bazasy 12,9% nemese 6 945,4 mlrd teńgege deıin keńeıdi. Bul jyl basyndaǵy jaǵdaımen salystyrǵanda 36,5% artyq», - delingen málimette.
Qorytyndylasaq, 2021 jyldyń aıaǵyna qaraı eldegi aqsha massasy 4,9% ósip, 30 099,3 mlrd teńge bolǵan. Bul jyl basnydaǵy jaǵdaıdan 20,8% artyq degen sóz. Al aınalystaǵy qolma-qol aqsha 2 997,7 mlrd teńgege deıin jetken nemese jyl basynan beri 6,0%ósken.