Ulttyq bank álemniń alpaýyt elderi ekonomıkasyna sholý usyndy
«Bıylǵy jyl basynan damyǵan elderdiń aktsııalary 7,6 paıyzǵa ósti. Amerıka Qurama Shtattarynda 10 jyldyq memlekettik baǵaly qaǵazdardyń kiristiligi 3,64 paıyzǵa deıin 23 bazalyq tarmaqqa tómendedi. Dollar ındeksi 0,78 paıyzǵa nyǵaıdy. Jyl basynan beri keńeıtilgen ındekstegi aktsııalardyń ósýine qaramastan, keń aýqymdy ekonomıkanyń barometri sanalatyn shaǵyn kapıtaldy aktsııalardyń baǵasy ózgerissiz qaldy. Bul – ekonomıkanyń ósý táýekelderin bildiredi», - dedi ol.
Ulttyq bank tóraǵasynyń aıtýynsha, pandemııadan keıin Qytaı ekonomıkasy baıaý túrde qalpyna kele bastady. Mamyr aıyndaǵy óndiristik belsendiliktiń mánderi kútkennen tómen bolyp, COVID-ke qarsy shekteýler alynǵannan eń tómengi deńgeıge jetti.
«AQSh-taǵy jáne Eýropanyń alpaýyt elderindegi ınflıatsııa deńgeıi baıaýlaǵanmen, joǵary kúıinde qaldy. Naryq Eýropa Ortalyq banki men Anglııa bankiniń mólsherlemelerdi taǵy da kóteredi dep boljap otyr. Al Federaldyq rezerv júıesi mólsherlemelerdi arttyrýdy toqtata turatyny jaıly belgi bere bastady», - dedi Ǵalymjan Pirmatov.
