Ulttyq bank álemdegi jaǵdaıdy qadaǵalap otyr, qajet jaǵdaıda tıisti shara qoldanady – Álııa Moldabekova
Geosaıası shıelenistiń saqtalýy aıasynda bolyp jatqan qaqtyǵystyń ulǵaıýy men uzaqtyǵyna qatysty belgisizdiktiń joǵary deńgeıi saqtalyp otyr. Bul jaǵdaıda, qazirgi ýaqytta qandaı da bir boljam jasaý óte qıyn.
«Qazirgi ýaqytta VIX – «úreı ındeksi» dep atalatyn ındeks ınvestorlardyń jýyq arada naryq qozǵalysynyń baǵytyna qatysty alańdaýshylyǵyn kórsete otyryp, joǵary deńgeıde dep sanalady. Naryqtyń geosaıası jaǵdaıǵa qatysty alańdaýshylyǵynan bólek, ınvestorlar AQSh FRJ tarapynan monetarlyq kúsheıtý aýqymynyń bastalýyn kútedi. Amerıkalyq retteýshiniń málimdeýi boıynsha, FRJ-nyń jýyrdaǵy otyrysynda, ıaǵnı naýryz aıynda mólsherleme 0,25%-ǵa ózgerip, ony kóterý kezeńi bastalmaq. Soǵan qaramastan, valıýta naryǵymyz úshin munaı baǵasy jáne basqa da eksporttalatyn shıkizat taýarlary sııaqty irgeli faktorlar qolaıly keıipte qalyptasyp otyr. Sondyqtan bizdiń eksporttaýshylardyń valıýtalyq túsimi obektıvti túrde ósýge tıis. Bul bizdiń naryqtaǵy shetel valıýtasyn usyný kólemine qatysty», - dep túsindirdi UB ókili.
Qazirgi ýaqytta shetel valıýtasyna suranys kólemi irgeli faktorlardyń áserimen emes, belgisizdik jaǵdaıynda halyq pen bıznestiń alańdaýshylyǵymen anyqtalady. Qazaqstannyń eksporty men saýdasyna sanktsııalardyń joqtyǵyn nazarǵa ala otyryp, naryq qatysýshylarynyń mundaı qaýipteri shamadan tys sanalady.
«Reseı rýbliniń baǵamy naryq áserinde jáne táýekel-sentımenttiń ózgerý yqpalynda bolyp, irgeli faktorlardy kórsetpeıdi, sondyqtan teńgeniń serpini rýbldiń jaı-kúıine baılanysty bolmaıdy jáne bul jaǵdaıdyń oryn alýy negizdi. Naryqtaǵy belgisizdik jaǵdaıynda biz orynsyz úreılenbeýge jáne shetel valıýtasyn satyp alýda saraly sheshim qabyldaýǵa keńes beremiz. Ulttyq bank naqty ýaqyt rejıminde álemdegi jaǵdaıdy qadaǵalap otyrady jáne jaǵymsyz stsenarııler iske asyrylǵan jaǵdaıda, ishki qarjy naryǵyndaǵy turaqsyzdyqtyń aldyn alý úshin barlyq qajetti quraldarǵa ıe bolyr otyr», - dedi Álııa Moldabekova.
