Ulttyq bank álem elderiniń valıýtalaryna sholý jarııalady
Saýda-sattyqtyń qorytyndysy boıynsha 31 jeltoqsanda teńgeniń naryqtyq baǵamy bir aptada 0,3%-ǵa (419,50-den) álsirep, bir AQSh dollary úshin 420,91 teńge boldy.
Syrtqy valıýta naryǵynda 2020 jyldyń 25 jeltoqsany men 2021 jyldyń 4 qańtar aralyǵyndaǵy kezeńde damýshy elder valıýtalarynyń serpini ártúrli baǵytta boldy.
Donald Tramp $900 mlrd yntalandyrý qamtylǵan zań jobasyna qol qoıdy. Vaktsınalar týraly habarlamalar da ınvestorlardyń optımızmin qoldady: QHR-da retteýshi otandyq vaktsınany qoldanýdy maquldady, Ulybrıtanııa Covid-19-ǵa qarsy ekinshi vaktsınany qoldanýǵa ruqsat berdi. EO men QHR Eýropalyq ınvestorlar úshin budan ári Qytaı naryǵyn ashý týraly kelisimdi maquldaǵany týraly jarııalady. Kelisim 2022 jyldyń basynda kúshine enýi múmkin. Ulybrıtanııa pandemııaǵa baılanysty úshinshi ulttyq karantındi engizdi.
Damýshy elder valıýtalarynyń AQSh dollaryna qatysty baǵamdarynyń serpini tómendegideı qalyptasty:
-Indonezııa rýpııasy 2021 jyly ekonomıkanyń neǵurlym jyldam ósýi (jeltoqsan aıynda PMI óndiristik ındeksiniń ósýi kútkennen de asyp, 51,3 belgisine jetti), sondaı-aq boryshtyq naryqqa sheteldik kapıtaldyń kelýin kútý boıynsha optımızm aıasynda 2,1%-ǵa (14 200-den 13 895-ke deıin) nyǵaıdy;
- túrik lırasy Ulybrıtanııamen erkin saýda týraly kelisimdi uzartý jáne jergilikti naryqqa sheteldik ınvestorlardyń kelýin jańǵyrtý aıasynda 1,6%-ǵa (7,55-ten 7,43-ke deıin) nyǵaıdy;
- úndi rýpııasy beırezıdentterdiń jergilikti kompanııalardyń aktsııalaryn satyp alýy aıasynda 0,7%-ge (73,55-ten 73,02-ge deıin) nyǵaıdy;
- Reseı rýbli OPEK+ kezdesýleriniń qorytyndylaryna qatysty belgisizdik saldarynan munaı baǵasynyń tómendeýi aıasynda 0,4%-ǵa (74,11-den 74,42-ge deıin) álsiredi;
-Meksıka pesosy jyl sońynda ótimdiliktiń tómen bolýy aıasynda 0,6%-ǵa (19,86-dan 19,97-ge deıin) álsiredi;
- Ońtústik Afrıka randy eldegi epıdemıologııalyq jaǵdaıdyń nasharlaýyna oraı neǵurlym qatań karantındik sharalarǵa baılanysty qaýiptený aıasynda 0,8%-ǵa (14,61-den 14,73-ke deıin) álsiredi;
-Brazılııa realy OB-nyń spot naryǵynda $530 mln kóleminde ınterventsııalar júrgizýine qaramastan, 1%-ǵa (5,22-den 5,27-ge deıin) álsiredi.