Ulttyq bank alaıaqtyqtyń jańa shemalary týraly eskertti
Ulttyq bank ınvestıtsııalyq qyzmetpen jáne fıshıngtik shabýyldarmen baılanysty alaıaqtyq shemalardyń kóbeıip kele jatqandyǵy týraly eskertedi. Alaıaqtar qarjylyq damýdyń jalǵan baǵdarlamalaryn, sondaı-aq bırjalyq saýdada tez aqsha tabýdyń qarapaıym tásilderin sıpattaıtyn jarnama rolıkteri bar saıttar men uıaly qosymshalardy iske qosady. Mundaı alaıaqtyq saıttarda belgili tulǵalardan, atap aıtqanda ózderin Ulttyq banktiń «qyzmetkerlerimiz» dep tanystyratyn qarjy uıymdarynyń mamandary tarapynan jalǵan aqparat, qoldan jasalǵan lıtsenzııalar men basqa da qujattar usynylýy múmkin. Taǵy basqa alaıaqtar toptary fıshıngtik shabýyldar boıynsha jasyryn derekterdi zańsyz jınaýmen aınalysady.
Osyǵan baılanysty, Ulttyq bank QR azamattaryn ózderin Ulttyq banktiń ókilderimiz nemese quqyq qorǵaý organdarynyń qyzmetkerlerimiz dep ataıtyn adamdardan kúmándi qońyraý nemese elektrondyq hattar qabyldaǵan kezde abaı bolýǵa shaqyrady.
»Osy oraıda Ulttyq bank telefon nemese elektrondyq poshta arqyly azamattardyń jeke málimetterin suramaıtynyn eske salamyz. Sondyqtan aqparattyń shynaıylyǵyna kóz jetkizbeı derbes derekterińizdi bógde adamdarǵa eshqashan bermeńiz. Joǵaryda aıtylǵandardy eskere otyryp, Ulttyq bank ınvestıtsııa arqyly jyldam tabys tabý jónindegi aqparatty qamtıtyn saıttarda alaıaqtyq árekettiń aıqyn belgileri bar ekenin jetkizedi. Sebebi:
Ulttyq bank jeke tulǵalardyń shottaryna qyzmet kórsetpeıdi, aqshalaı esep aıyrysýlar men mámileler júrgizbeıdi;
Ulttyq bank memlekettik qorlardan tabys tabý úshin qandaı da bir platformalardy ázirleýge qatyspaıdy;
alaıaqtyq resýrstar qysqa ýaqyt ishinde joǵary paıdaǵa jalǵan kepildik beretin aqparatty qamtıdy, sondaı-aq baılanys quraldary kórsetilmeıdi;
alaıaqtar beıresmı nómirlerden belsendi túrde qońyraý shalyp, jalǵan quqyq belgileıtin qujattardy usynady;
is júzinde aktıvterdi ınvestıtsııalyq basqarýǵa lıtsenzııasy bar uıymdardyń tizbesi Qazaqstan Respýblıkasy Qarjy naryǵyn retteý jáne damytý agenttiginiń resmı saıtynda jarııalanǵan», - dep jazdy vedomstvodan.
Sonymen qatar, Ulttyq bank uıaly qosymshalardy ornatpaýdy, derbes derekterińizdi jarııa etpeýdi, uıaly telefonǵa qashyqtan qol jetkizýdi usynbaýdy jáne telefon arqyly sóılesý barysynda alynǵan nusqaýlar boıynsha aqshalaı qarajatty úshinshi tulǵalardyń shottaryna aýdarmaýdy ótinedi.
