Ulttyq bank alaıaqtyq áreketterdiń kóbeıip ketkenin eskertti
Jeke jáne zańdy tulǵalar Ulttyq bankke shetel valıýtasymen aqsha alýǵa járdem kórsetýdi surap, ótinishpen júginip jatady. Ádette, mundaı ótinishterge jalǵan tólem qujattary (sonyń ishinde SWIFT formatynda) jáne esepte joq shottar men aqsha aýdarymdaryn rastaıtyn sharttar qosa beriledi.
Nazar aýdarýdy suraımyz, Ulttyq bank ortalyq bank sanalady jáne ol Qazaqstan Respýblıkasynyń bank júıesinde joǵarǵy (birinshi) deńgeıdi bildiredi. Ulttyq bank jeke tulǵalarǵa qyzmet kórsetpeıdi jáne QR rezıdent, beırezıdent turǵyndaryna aqsha aýdarmaıdy.
Ulttyq bank SWIFT arqyly klıent tólemderine qyzmet kórsetý protsesine qatyspaıdy jáne SWIFT arqyly operatsııa júrgizýge ruqsat bermeıdi.
«Ulttyq bank jekelegen valıýtalyq sharttarǵa valıýta operatsııalary boıynsha derekterdi jınaý maqsatynda ǵana eseptik nómirlerdi tirkeıtinin habarlaımyz. Bul rásim ruqsat etý, sanktsııa salý nemese maquldaý qyzmetin atqarmaıdy.
Eseptik nómirdi Ulttyq bank retteýshi tarapynan qandaı da bir mindettemesiz beredi jáne onyń bolýy kelisim boıynsha aqsha túskenin ne jóneltilgenin bildirmeıdi. Bul rette nómir berý Qazaqstan Respýblıkasy zańnamasynyń talaptaryn buzǵany úshin tulǵalardy jaýapkershilikten bosatpaıdy»,-delingen habarlamada.
