Ulttyq Bank aqsha-kredıt saıasatyn ázirlegen kezde HVQ boljamdaryn eskerdi - Ǵ.Pirmatov
ASTANA. QazAqparat - Halyqaralyq volıýta qory jáne Qazaqstan Úkimetiniń 2016 jylǵa arnalǵan boljamdaryn salystyrýǵa bolady. QR Ulttyq Banki 2016 jylǵa arnalǵan aqsha-kredıt saıasatyn ázirlegen kezde osy derekterdi eskerdi. Bul jóninde búgin vedomstvo basshysynyń orynbasary Ǵalymjan Pirmatov habarlady.
Ol HVQ óziniń World Economic Outlook esebinde 2016 jyly Qazaqstan ekonomıkasynyń ósý boljamyn 2,2-den 0,1%-ǵa deıin tómendetkenin eske saldy.
Qazaqstannyń áleýmettik-ekonomıkalyq damýynyń 2017-2021 jyldarǵa arnalǵan boljamyna sáıkes, 2016 jylǵa ІJÓ-niń ósýi 1,7%-dan 0,5%-ǵa deıin qaıta qaraldy.
«Jalpy alǵanda, aqsha-kredıt saıasaty boıynsha, atap aıtqanda bazalyq mólsherleme boıynsha sheshimder qabyldaǵan kezde ishki aspektiler (ınflıatsııa úshin táýekelder, qarjylyq turaqtylyq úshin táýekelder, ekonomıkany dollarlandyrý deńgeıi), sondaı-aq syrtqy faktorlar (munaıdyń álemdik baǵasy, aıyrbastaý baǵamdary jáne saýda áriptes elderdegi jaǵdaılar) da eskeriledi. Syrtqy ekonomıkalyq ahýaldy baǵalaý úshin halyqaralyq uıymdar, onyń ishinde HVQ, Dúnıejúzilik Bank jarııalaıtyn boljamdar eskeriledi», - dep túsindirdi Ǵ. Pirmatov.
Bul rette, onyń aıtýynsha, eldegi ekonomıkalyq ahýalǵa syrtqy faktorlardyń aıtarlyqtaı yqpalyna boljamdy raýndtar júrgizgen kezde HVQ boljamdarynyń mańyzdy róli sebep boldy, bular Ulttyq Banktiń bazalyq mólsherleme boıynsha sheshimder qabyldaýǵa negiz bolady.
