Ulttyq bank aǵymdaǵy jylǵy ınflıatsııany 6-8 paıyz dálizinde boljaıdy - Q. Kelimbetov
ASTANA. 10 qazan. QazAqparat -Ulttyq bank aǵymdaǵy jyldyń qorytyndysyna sáıkes, ınflıatsııa 6-8 paıyz dálizinde bolady dep boljaıdy.
Búgin Parlament Senatynyń jalpy otyrysynda QR Ulttyq bankiniń tóraǵasy Qaırat Kelimbetov osylaı málim etti.
Depýtattar aldynda sóz sóılegen UB tóraǵasy teńge devalvatsııasy da, ınflıatsııa úderisteri de esh alańdaýshylyqty qajet etpeıdi dep sendirdi. «Zańǵa sáıkes, Ulttyq banktiń basty mindetteriniń biri elimizdegi baǵalardyń turaqtylyǵyn qamtamasyz etý bolyp tabylady. Bul rette aǵymdaǵy 2013 jyldyń basynan beri elimizde ınflıatsııalyq úderisterdiń baıaýlap otyrǵany baıqalady. Biz jyldyń qorytyndysy boıynsha ınflıatsııa deńgeıi belgilengen jáne josparlanǵan dálizde ıaǵnı 6-8 paıyz aralyǵynda bolady dep boljaımyz», - dedi Qaırat Kelimbetov.
