Ulttyq bank «ABAI. 175 JYL» kollektsııalyq monetalaryn saýdaǵa shyǵarady
Baspasóz qyzmetiniń málimetterine qaraǵanda, nomınaly 500 teńgelik kúmisten, nomınaly 100 teńgelik melhıor qospasynan jáne nomınaly 100 teńgelik neızılber qospasynan jasalǵan «ABAI. 175 JYL» kollektsııalyq monetalary 2020 jylǵy 1 qyrkúıekten bastap satýǵa túsedi.
Monetalardy QR Ulttyq bankiniń barlyq aýmaqtyq fılıaldarynan satyp alýǵa bolady – olardyń mekenjaılary saıtta kórsetilgen. Kúmisten jáne melhıor qospasynan jasalǵan monetalardy Ulttyq banktiń ınternet-dúkeni arqyly satyp alýǵa bolady.
«Esterińizge sala keteıik, QR Ulttyq banki atalǵan monetalardy 2020 jyldyń 10 tamyzynda aınalymǵa shyǵardy. Olardy shyǵarý aqyn jáne aǵartýshy Abaı Qunanbaevtyń týǵanyna 175 jyl tolýyna oraılastyryldy. Qazaqstan Respýblıkasynda karantın rejıminiń uzartylýyna baılanysty monetalardy satý odan buryn keıinge qaldyrylǵan bolatyn»,-delingenhabarlamada.
