Ulttyq bank 7 kúndik qaıtarý merzimi bar depozıttik aýktsıondardy bastady
ASTANA. QazAqparat - QR Ulttyq banki 7 kúndik qaıtarý merzimi bar depozıttik aýktsıondardy bastady, dep habarlaıdy QazAqparat.
«Ulttyq bank 2019 jylǵy 18 aqpannan bastap 7 kúndik qaıtarý merzimi bar depozıttik aýktsıondardy ótkize bastaıdy jáne Ulttyq banktiń 7 kúndik qysqa merzimdi nottarynyń aýktsıonyn ótkizýdi toqtatady. Depozıttik aýktsıondy bastaýmen turaqty qoljetimdilik operatsııalarynyń aıasynda 7 kúndik depozıtterdi tartý da toqtatylady», - delingen bank taratqan aqparatta.
Qarjy ınstıtýtynyń málimetinshe, depozıttik aýktsıon ótimdilikti alý úshin aqsha-kredıt saıasatynyń ashyq naryǵy operatsııalarynyń negizgi quraly bolyp sanalady. Bul ózgerister Ulttyq banktiń aqsha-kredıt saıasatynyń transmıssııalyq tetiginiń paıyzdyq arnasynyń tıimdiligin arttyrýǵa baǵyttalǵan. Depozıttik aýktsıondar aqsha-kredıt saıasatyn iske asyrý aıasynda Ulttyq banktiń aýktsıondardy ótkizý qaǵıdalaryna sáıkes ótkiziledi.
