Ulttyq bank 2030 jylǵa deıingi aqsha-kredıt saıasaty strategııasynyń jobasyn ázirleıdi
NUR-SULTAN. QazAqparat – Bıylǵy birinshi toqsanda 2030 jylǵa deıingi aqsha-kredıt saıasaty strategııasynyń jobasy ázirlenedi. Bul týraly Úkimettiń keńeıtilgen otyrysynda QR Ulttyq bank tóraǵasy Erbolat Dosaev málim etti, dep habarlaıdy QazAqparat tilshisi.
«Júrgizilgen qaıta uıymdastyrýdan keıin 2020 jyly qarjylyq turaqtylyqty qamtamasyz etý aıasynda tıimdi aqsha-kredıt jáne valıýta saıasattaryn júrgizý, zamanaýı tólem ınfraqurylymyn qurýǵa jaǵdaı jasaý sııaqty jáne basqa da birqatar mindetterdi iske asyrýǵa negizgi kúsh jumsalatyn bolady. Bıylǵy 1-toqsannyń sońyna deıin Sizdiń tapsyrmańyzǵa sáıkes, 2030 jylǵa deıingi aqsha-kredıt saıasaty strategııasynyń jobasyn ázirleý aıaqtalady», - dedi E. Dosaev.
Onyń sózine qaraǵanda, Strategııany iske asyrý eki kezeńge boljanyp otyr – birinshi kezeń eldiń 2025 jylǵa deıingi Strategııalyq josparymen úılestiriletin bolady. Ekinshi kezeń ınflıatsııalyq targetteý saıasatyn tolyqqandy engizý boıynsha uzaq merzimdi mindetterdi iske asyrýdy boljaıdy.
