Ulttyq bank 2021-2022 jyldarǵa arnalǵan zertteý baǵdarlamasyn ázirledi
Baǵdarlama Ulttyq banktiń strategııalyq jáne ortamerzimdi zertteý mindetterin anyqtap, uıymnyń sol mindet aıasynda baǵa men qarjy turaqtylyǵyn qamtamasyz etý mandatyn aıqyndaıdy.
Osy maqsattarǵa turaqty qol jetkizý úshin ekonomıkalyq ortany qalyptastyratyn kóptegen faktorlardy, ózara áser etý arnalaryn jáne Qazaqstan ekonomıkasy aldynda turǵan mindetterdi durys túsinýdi talap etedi.
Qujatta bes negizgi bólim bar: «Aqsha-kredıt saıasatynyń joldary men makroekonomıkalyq úılestirý», «Makroekonomıkalyq saıasattyq saraptama júrgizý tásilderi», «Qarjy jáne sabaqtas naryqtardyń ótimdigi men baǵa qalyptastyrý», «Qarjy qatynastaryn retteý men damytý», «Tólem júıesiniń bolashaǵy».
Ár bólim boıynsha jan-jaqty zertteýdi qajet etetin strategııalyq baǵyttar qalyptasyp, Ulttyq banktiń qyzmeti úshin 2021 jylǵa arnalǵan zertteýdiń eń basym baǵyttary anyqtaldy.
Bul qujat Ulttyq banktiń qoǵamǵa aqparat berý deńgeıin jaqsartyp, qoǵamdyq dıskýrs deńgeıin kúsheıtýge, konstrýktıvti aqparattyq-saraptamalyq orta qalyptastyrýǵa jáne ekonomıkalyq saıasattyń eń ózekti máselelerine jaýap izdeý úshin akademııalyq qaýymdastyqtyń ǵylymı áleýetin baǵyttaýǵa múmkindik beredi.