Ulttyq bank: 2017 jyly Qazaqstanda ІJÓ ósimi 3% jýyq bolady
ASTANA. QazAqparat - Danııar Aqyshev syrtqy naryqtardaǵy jaǵdaı, ІJÓ jáne ınflıatsııa deńgeıi týraly aıtyp berdi, dep habarlaıdy QR UB baspasóz qyzmeti.
QR Ulttyq Banki Tóraǵasynyń baspasóz jáne televızııalyq BAQ-tyń bas redaktorlarymen kezdesýi ótti, onyń barysynda Danııar Aqyshev kezdesýge qatysýshylardyń suraqtaryna jaýap berdi, sondaı-aq syrtqy naryqtardaǵy jaǵdaı, ІJÓ jáne ınflıatsııa deńgeıi týraly aıtyp berdi.
«Qazirgi ýaqytta syrtqy naryqtardaǵy jaǵdaı jaǵymdy bolyp otyr. Munaı baǵasy bir barrel úshin 50 AQSh dollarynan joǵary deńgeıde qalyptasyp otyr. Oń faktor retinde, sondaı-aq, saýda-áriptes elderdiń - Reseı men Qytaıdyń ekonomıkalarynyń ósýi men ornyqty damýyn atap ótkim keledi», - dedi D. Aqyshev.
Ol Qazaqstan ekonomıkasynyń 3 jyl baıaýlaýdan keıin ósim kórsetip otyrǵanyn atap ótti. Birinshi jartyjyldyqta ІJÓ naqty 4,2%-ǵa ósti. Ulttyq Banktiń boljamy boıynsha, 2017 jyly ekonomıkalyq ósý qarqyndary 3%-ǵa jýyq bolady.
«Inflıatsııa baıaýlaýyn jalǵastyrýda - ótken jyldyń osyndaı kezeńindegi 5,4%-ben salystyrǵanda aǵymdaǵy jyldyń 8 aıynda 3,9%. Tamyzdyń qorytyndysy boıynsha jyldyq ınflıatsııa 7%-ǵa (2016 jylǵy jeltoqsanda - 8,5%) deıin tómendep, 2017 jylǵa arnalǵan 6-8% nysanaly dálizdiń ortasynda tur. 2018 jyly da biz ınflıatsııanyń 5-7% nysanaly dálizde bolýyn kútemiz», - dep túsinikteme berdi Ulttyq Banktiń basshysy.
Bir jyl buryn ınflıatsııa 6,5%-dy qurady. «Sondyqtan aǵymdaǵy jyldyń basynan bastap Ulttyq Bank bazalyq mólsherlemeni júıeli túrde tómendete otyryp, aqsha-kredıt talaptaryn jumsartýyn jalǵastyrýda. 21 tamyzda ol 0,25%-ǵa, ıaǵnı 10,25%-ǵa deıin tómendetildi», - dep qorytyndylady ol.
