Ulttyq bank: 2015 jyly ІJÓ-niń ósý qarqyny 1,5% deńgeıde bolýy yqtımal
ASTANA. QazAqparat - QR Ulttyq banki Qazaqstan Respýblıkasy aqsha-kredıt saıasatynyń 2015 jylǵa arnalǵan negizgi baǵyttaryn bekitti.
«Álemdik ekonomıkanyń jaı-kúıi jáne onyń jumys isteý talaptary qazirgi ýaqytta turaqsyz jáne túrli baǵyttaǵy bolyp baǵalanady. Eýroaımaq jańa ekonomıkalyq retsessııa tolqynynyń aldynda tur. Qytaı, Reseı jáne naryqtary qalyptasý ústindegi birqatar elder ekonomıkasynyń ósý qarqynynyń baıaýlaǵanyn kórsetip otyr. Munaıdy eksporttaýshy elderdiń jaǵdaıy munaıdyń álemdik baǵasynyń 2014 jyldyń ortasynan beri baıqalyp otyrǵan tómendeýimen qıyndaı túsýde. Sonymen qatar saqtalyp otyrǵan geosaıası belgisizdik ǵalamdyq ekonomıkadaǵy ahýaldyń nasharlaýyna yqpal etetin taǵy bir faktor bolyp tabylady. Osylaısha, Qazaqstan ekonomıkasynyń 2015 jyly damýyna álemdik qarjy jáne taýar naryqtaryndaǵy qubylmalylyqty jáne onymen baılanysty kapıtaldyń turaqsyz aǵyndaryn qosa alǵanda, qolaısyz syrtqy faktorlar áser etetin bolady», - delingen qujatta. 2015 jyly Qazaqstan ekonomıkasy damýynyń barlyq stsenarııleri iske asyrylǵan jaǵdaıda jyldyq ınflıatsııany 6,0-8,0% dálizinde ustap turý Ulttyq Banktiń negizgi maqsaty bolmaq.
«Munaıdyń álemdik baǵasynyń ortasha jyldyq deńgeıi bir barrel úshin 50 AQSh dollary bolatyn birinshi stsenarıı iske asyrylǵan kezde naqty ІJÓ-niń naqty ósý qarqyny 1,5% deńgeıde baǵalanady. Osy stsenarııdiń 2015 jyly iske asyrylýy taýarlar ımporty men rezıdent emesterge kiristerdi tóleý kólemi tómendegen kezde taza eksporttyń tómendeýin kózdeıdi. Osylaısha alda bolatyn kezeńde aǵymdaǵy shottyń tapshylyǵy ІJÓ-niń 4,0%-nan aspaıtyn bolady», - delingen Ulttyq banktiń atalmysh materıalynda.
Qarjy shotynda ótken jyldary iske asyrylǵan jobalar boıynsha qarjylandyrý shegin eńserýge jáne sheteldik tikeleı ınvestorlar qatysatyn jańa jobalardy iske asyrýdyń keıinirek merzimge yqtımal aýystyrylýymen baılanysty tikeleı ınvestorlar boıynsha aǵynnyń tómendeýi kútiledi.
Aqsha usynysynyń serpini de nomınaldy ІJÓ-niń serpinine sáıkes keletin bolady, bul boljanatyn kezeńde monetalandyrýdyń 2014 jylǵy deńgeıde saqtalýyn qamtamasyz etedi.
«Ekinshi stsenarıı iske asyrylǵan jaǵdaıda munaıdyń ortasha jyldyq baǵasy 2015 jyly birinshi stsenarııdegiden azdap joǵary bolady, alaıda 2014 jyldaǵy naqty deńgeıden tómen bolyp qalyptasady jáne bir barrel úshin 60 AQSh dollaryna jýyq bolady. Nátıjesinde 2015 jyly ІJÓ-niń naqty ósý qarqyny 2,0%-dy quraıdy», - delingen qujatta.
Sonymen qatar qarjy shotynda halyqaralyq qarjy uıymdarynan jáne Qazaqstan Respýblıkasy Ulttyq qorynan transfertterinen jańa memlekettik qaryz alý esebinen ótelýi múmkin jeke sektordyń taza qaryz alýynyń qysqarýy múmkin. 2015 jyly aqshaǵa degen suranys osy stsenarıı kezinde aldyńǵy stsenarıımen salystyrǵanda edáýir joǵary bolady. Sondaı-aq, aqsha usynysynyń serpini ІJÓ-niń nomınaldy ósý qarqynyna sáıkes keletin bolady, bul boljamdy kezeńde 2014 jylmen salystyrǵanda monetalandyrýdyń azdap ósýin qamtamasyz etedi.
«Ulttyq Bank Qazaqstan Respýblıkasy ekonomıkasy damýynyń birinshi stsenarııiniń iske asyrylýyn neǵurlym yqtımal dep esepteıdi. Osy boljamdarǵa negizdele otyryp, 2015 jylǵa arnalǵan aqsha-kredıt saıasatynyń sharalary ázirlendi», - delingen atalmysh materıalda.
