Ulttyq bank 2015 jyly ınflıatsııa deńgeıin 5-8 % dálizinde ustap turmaq
ASTANA. QazAqparat -2015 jyly Qazaqstandaǵy ınflıatsııa deńgeıin 5-8 % dálizinde ustaý kózdelýde, delingen QR Ulttyq banki 2014-2018 jyldarǵa arnalǵan strategııalyq josparynda.
Al 2014-2018 jyldar aralyǵynda ekonomıkanyń damýynyń barlyq stsenarıılerin iske asyrý kezinde baǵa turaqtylyǵyn qamtamasyz etý jáne jyldyq ınflıatsııany 5-7 paıyz dálizinde ustap turý Ulttyq banktiń negizgi maqsaty bolmaq. Al 2015 jylǵy memlekettiń aqsha-kredıt saıasatyn ázirleý jáne júrgizý aıasynda ınflıatsııany 5-8 paıyz dálizinde ustap turý josparlanýda.
Resmı qaıta qarjylandyrý mólsherlemesi ózgerissiz qaldy. 2012 jyldan beri onyń jyldyq kólemi 5,5% deńgeıinde saqtalýda.
Aqsha-kredıt saıasatyn iske asyrý maqsatynda Ulttyq Bank 2014 jyly ekinshi deńgeıdegi bankterge qaıta qarjylandyrý qaryzdaryn berýdi, qysqa merzimdi nottardy shyǵarýdy, bankterden depozıtter tartýdy jalǵastyrady. Sonymen qatar, bankter Ulttyq Bank belgilegen eń tómengi talaptardyń normatıvterin oryndaıdy.
Qujatta atap kórsetilgenindeı, 2014 jylǵy qańtar-maýsymda ınflıatsııa 4,8%-dy (2013 jylǵy qańtar-maýsym aralyǵynda - 2,7%) qurady. 2014 jyldyń basynan bastap azyq-túlik taýarlary - 5,5%-ǵa (1,7%-ǵa), azyq-túlikke jatpaıtyn taýarlar - 4,7%-ǵa (1,1%-ǵa), aqyly qyzmetter - 4,0%-ǵa (5,4%-ǵa) qymbattady. Osylaısha, 2014 jyly ınflıatsııalyq protsester azdap qarqyn aldy.
