Ulttyq bank 2015 jylǵy teńgeniń naqty aıyrbastaý baǵamy ındeksin ózgertti

2015 jyly teńge naqty kórsetkish boıynsha 29,9%-ǵa álsiredi (34 eldiń valıýtalaryna qatysty naqty tıimdi aıyrbastaý baǵamy ındeksiniń ózgerýi), al 2014 jyldyń basynan bastap 2015 jylǵy jeltoqsan aralyǵynda álsireý 25,6%-dy qurady.

Teńgeniń reseılik rýblge qatysty álsireýi 2015 jyly naqty kórsetkish boıynsha (naqty aıyrbastaý baǵamy) 29,3%-dy qurady, al 2014 jyldyń basynan bastap naqty kórsetkish boıynsha 1,9%-ǵa álsiredi.

Negizgi saýda áriptesterdiń valıýtalaryna qatysty naqty aıyrbastaý baǵamdarynyń derekteri kestede keltirilgen.

Teńgeniń naqty aıyrbastaý baǵamy ındeksiniń ózgerýi

Aǵymdaǵy operatsııalar shotynyń tapshylyǵy aldyn ala baǵalaý boıynsha 2014 jylǵy 6,0 mlrd AQSh dollary bolǵan profıtsıtpen salystyrǵanda 2015 jyly 5,3 mlrd AQSh dollaryn qurady jáne taýarlardyń taza eksporty kórsetkishiniń kúrt qysqarýymen baılanysty boldy.

Saýda balansynyń oń saldosy Ulttyq Banktiń baǵalaýynsha 2014 jylǵy kórsetkishpen (2014 jyly 36,7 mlrd doll.) salystyrǵanda 65,6%-ǵa tómendep, 12,6 mlrd AQSh dollaryn qurady.

Tólem balansynyń jikteýishi boıynsha taýarlar eksporty 2015 jyly 2014 jylmen (2014 jyly 80,3 mlrd AQSh doll.) salystyrǵanda 42,4%-ǵa tómendeı otyryp, 46,2 mlrd AQSh dollaryn qurady. Munaıdyń álemdik baǵasy eksporttyń qysqarýynyń negizgi faktory boldy - ortasha alǵanda 2015 jyly brent surypty munaı baǵasy bir barrel úshin 52,4 AQSh dollaryn (2014 jyly ortasha alǵanda bir barrel úshin 98,9 AQSh dollary) qurady. Munaı men gaz kondensaty eksportynyń quny 26,8 mlrd AQSh dollaryn qurap, 2 ese qysqardy. Qalǵan taýarlar boıynsha eksport 27%-ǵa qysqardy.

Taýarlar ımporty 22,9%-ǵa qysqara otyryp, 33,6 mlrd AQSh dollary boldy (2014 jyly 43,6 mlrd AQSh dollary). Ónimderdiń barlyq túrleri boıynsha taýarlardy ákelý tómendedi.

Taza eksport kórsetkishi tómendegen kezde aǵymdaǵy shotqa túsetin qysym basqa quraýyshtar boıynsha teris balanstardyń qysqarýy esebinen tómendeıdi. Rezıdentterdiń taýarlar eksportynan kiristeriniń tómendeýi nátıjesinde beırezıdentterdiń Qazaqstanǵa tikeleı ınvestıtsııalardan taza kiristeri 2014 jylǵy 19,6 mlrd AQSh dollarynan 2015 jyly 8,1 mlrd AQSh dollaryna deıin aıtarlyqtaı tómendedi. Rezıdentterdiń iskerlik jáne ınvestıtsııalyq belsendiliginiń tómendeýi halyqaralyq qyzmetter balansy tapshylyǵynyń 2014 jylǵy 15,6%-dan 5,4 mlrd AQSh dollaryna deıin qysqarýyna ákep soqty.

Aldyn ala baǵalaý boıynsha qarjylyq shot boıynsha kapıtaldyń taza ákelinýi (Ulttyq Banktiń rezervtik aktıvterimen operatsııalardy qospaǵanda) 2015 jyly 11,1 mlrd AQSh dollaryn qurady (2014 jyly 6,8 mlrd AQSh dollary). Bul aǵyn negizinen tikeleı ınvestıtsııalaý operatsııalarymen jáne memlekettik sektordyń qarajat tartýymen qamtamasyz etildi.

Qazaqstan rezıdentteriniń tikeleı ınvestıtsııalary túrindegi syrtqy aktıvter 2015 jyly 1,7 mlrd AQSh dollaryna, al qazaqstandyq kásiporyndardyń úlestes beırezıdentter aldyndaǵy mindettemeleri 6,0 mlrd AQSh dollaryna ósti. Sonyń nátıjesinde tikeleı ınvestıtsııalardyń balansy boıynsha kapıtal aǵyny 4,3 mlrd AQSh doll. (2014 jyly 4,7 mlrd AQSh doll.) qurady.

Portfeldik ınvestıtsııalar balansy boıynsha 5,9 mlrd AQSh dollary bolatyn kapıtaldyń taza ákelinýi (taza áketý 2014 jyly 1,0 mlrd AQSh dollarynan asa) Ulttyq qordyń sheteldik aktıvteriniń qysqarýy jáne QR Qarjy mınıstrliginiń eýrooblıgatsııalaryn shyǵarý esebinen qalyptasty.

Aǵymdaǵy operatsııalar shotynyń qalyptasqan tapshylyǵy tólem balansy qarjylyq shotynyń operatsııalary, sondaı-aq 2015 jylǵy ekinshi jáne úshinshi toqsandarda Ulttyq banktiń rezervtik aktıvterin paıdalaný esebinen qarjylandyrylǵan bolatyn. Tutastaı alǵanda Ulttyq bank rezervtik aktıvteriniń tólem balansy operatsııalarynyń esebinen bir jyldaǵy qysqarýy shamamen 0,8 mlrd AQSh dollaryn qurady.