Ulttyq bank 2012 jyly jalpy ishki ónimde 6 paıyzdyq ósimdi boljaýda
ALMATY. 10 qańtar. QazAqparat /Erlik Erjanuly/ - Ulttyq banktiń orta merzimdik boljamyna qaraǵanda bıyl ınflıatsııa deńgeıi 6-8 paıyz, al jalpy ishki ónimniń ósimi 6 paıyzdy quraıdy.
Ulttyq bank tóraǵasy Grıgorıı Marchenko búgin Almatyda ótkizgen baspasóz máslıhatynda osylaı aıtty.
"Ulttyq bank 3 jyldyq bıýdjettiń qabyldanýyna oraı ınflıatsııa men jalpy ishiki ónimniń ósimine orta merzimdik boljam jasaǵan edi. Ol aǵymdaǵy jyly da ózgerissiz qalady. Ázirge eshqandaı jaǵymsyz áser joq, qorqynyshtan basqa", - dedi ol.
QR Ulttyq banki Basqarmasy 2010 jylǵy 27 jeltoqsandaǵy №113 qaýlysymen "QR Aqsha-kredıt saıasatynyń 2011-2013 jyldarǵa arnalǵan negizgi kórsetkishteriniń boljamyn" maquldaǵan bolatyn. Onda ınflıatsııa deńgeıi 3 stsenarıı boıynsha da 2011-2013 jyldary 6-8 paıyz dep belgilengen edi. Al resmı qaıta qarjylandyrý mólsherlemesi birinshi stsenarııde - 6, ekinshi jáne úshinshi stsenarıılerde 6-8 paıyz dep kórsetilgen bolatyn.
