Ulttyq bank 200 teńgelik banknottardyń aınalymda bolý tártibin túsindirdi
NUR-SULTAN. QazAqparat - Qazaqstan Ulttyq banki 200 teńgelik banknottardyń aınalymda bolý tártibin túsindirdi, dep habarlaıdy QazAqparat UB silteme jasap.
Qazaqstan Ulttyq bankine turǵyndar tarapynan ótinishter túsip jatyr. Shaǵym ıeleri kásipkerlerdiń nomınaly 200 teńgelik banknottardy qabyldaýdan bas tartatynyn aıtady.
QUB nomınaly 200 teńgelik banknottardyń zańdy tólem quraly bolyp qalatynyneske salady. Olar 200 teńgelik monetalarmen aınalymda qatar júredi. Ol banknottardy tólemderdiń, banktik operatsııalar men aýdarymdardyń barlyq túri boıynsha qabyldaýǵa mindetti.
Bul banknottardy bankter men «Qazposhta» AQ-nyń barlyq bólimshelerinde, sondaı-aq QUB fılıaldarynda usaqtaýǵa da, aıyrbastaýǵa da bolady. Olar tabıǵı tozyǵy jetkende ǵana aınalymnan alynady.
Bul banknottardy qabyldaýdan bas tartý Ákimshilik quqyq buzýshylyq týraly kodekstiń 206-babyna sáıkes ákimshilik jaýapkershilikke ákep soǵady.
Eger sizden nomınaly 200 teńgelik kýpıýralar qabyldanbasa, onda jaqyn mańdaǵy QUB-tyń aýmaqtyq fılıalyna habarlasý qajet. Beınejazba jasaýǵa keńes beremiz, bolmasa, banknotty qabyldaýdan bas tartqan adamnan jazbasha negizdeme talap etińiz.
Bizdiń fılıaldarymyzdyń meken-jaıy men baılanys telefondary QUB saıtynda kórsetilgen. Qosymsha suraqtar týyndasa, QUB-tyń baılanys ortalyǵyna 1477 nómiri arqyly habarlasýǵa bolady.
