Ulttyq bank 2 qyzmetkeriniń paramen ustalýyna túsinik berdi

ALMATY. QazAqparat - QR Ulttyq bankiniń Tutynýshylardyń qarjylyq quqyǵyn qorǵaý jáne syrtqy kommýnıkatsııalar basqarmasynyń basshysy Aleksandr Terentev Ulttyq banktiń Oraldaǵy qyzmetkerleriniń ustalýyna qatysty túsinik berdi, dep habarlaıdy QazAqparat tilshisi.

«Qazirgi tańda tergeý jumystary jalǵasyp jatyr. Sondyqtan bul jumystar aıaqtalmaıynsha jáne sot sheshimi shyqpaıynsha biz túsinikteme bere almaımyz. Biz barynsha bul jaǵdaıdy  taldaıtyn bolamyz. Bank basshylyǵy tapsyrma berdi. Eger ol adamdardyń kinási dáleldense, jetekshilerge qatysty qatań jaza qoldanatyn bolamyz», - dedi Aleksandr Terentev.

Munyń aldynda birqatar BAQ-ta Oralda eki qyzmetker ustalǵany týrly aqparat taralǵan bolatyn.

Aldyn ala aqparat boıynsha, olar Aqsaı qalasyndaǵy valıýta aıyrbastaý pýnktiniń ıesinen aqsha bopsalaǵan.

Kásipker quzyrly organdarǵa shaǵymdanamyn dep narazylyq bildirgen soń ǵana olar parany aqsha túrinde qaıtarǵan. Sol kezde kúdiktilerdi Sybaılas jemqorlyqqa qarsy is-qımyl ulttyq bıýro qyzmetkerleri ustaǵan.