Ulttyq bank: 170-188 teńge dálizi álemdik ózgeristerdiń faktorlaryn eskerip otyr
ASTANA. QazAqparat - Qazirgi kezdegi bir dollarǵa 170-188 teńge dálizi rýbldiń álsireýi men munaı baǵasynyń tómendeýi faktorlaryn eskerip otyr. Bul týraly búgin Ortalyq kommýnıkatsııalar qyzmetindegi brıfıngte QR Ulttyq bankiniń tóraǵasy Qaırat Kelimbetov málim etti.
«Bul ózgerister belgili bir deńgeıde alańdaýǵa sebep boldy, alaıda aqpanda biz qabyldaǵan sheshimge yqpal etetindeı qaterli emes. Búginde 170-188 teńge dálizi álemde bolyp jatqan eleýli ózgeristerdi eskeretindeı tepe-teńdik dálizi bolyp tabylady. ıAǵnı, bıylǵy aqpandaǵy júrgizilgen valıýtalyq túzetýler qazirgi kezde baıqalyp otyrǵan barlyq ózgeristerdi eskergen bolatyn», - dep túsindirdi Ulttyq bank basshysy. Osy oraıda Q.Kelimbetov teńge baǵamyn túzetý kezinde reseılik rýbldiń álsireýi, álemdegi geosaıası ahýaldyń qıyndaýy, munaı baǵasynyń tómendeýi, aldyńǵy qatarly álemdik ekonomıkalardyń álsireýi sekildi máseleler negizge alynǵandyǵyn atap ótti.
