Ulttyq bank 1000 teńgelik banknotqa qatysty túsinikteme berdi
ALMATY. QazAqparat – Qazaqstan Ulttyq banki «Kúltegin» túrki jazba eskertkishine arnalǵan nomınaly 1000 teńgelik banknottyń zańdy tólem quraly bolyp qala beretinin eske salady, dep habarlaıdy QazAqparat tilshisi.
«Ony banktik operatsııalar men aýdarymdar boıynsha barlyq tólemderde qabyldaýǵa mindetti. Bul banknot «Qazposhta» AQ bólimsheleri men barlyq bankte aıyrbastalyp, esh shekteýsiz qabyldanady», - delingen habarlamada.
Kúltegin» túrki jazba eskertkishine arnalǵan nomınaly 1000 teńgelik banknot 2013 jyldyń sońynda 20 mln dana taralymmen aınalymǵa shyqty. Bul banknottar tabıǵı tozý shamasyna qaraı aınalymnan alynady.
Eger kásipkerler bul banknotty qabyldaýdan bas tartsa, ÁQK-nyń 206-babyna sáıkes eskertý jasalady. Ákimshilik jaza qoldanylǵannan keıin bir jyl ishinde qaıtalanǵan jaǵdaıda – 5-ten 25 aılyq eseptik kórsetkishke deıin aıyppul salynady.
Osy banknotty qabyldaýdan bas tartqan jaǵdaıda tıisti sharalar qabyldaý úshin Ulttyq banktiń aýmaqtyq fılıalyna ótinish jasaý qajet. Odan buryn faktini beınetaspaǵa jazyp alýdy nemese banknotty qabyldaýdan bas tartatyny týraly jazbasha negizdeme talap etýdi usynamyz, - delingen bank habarlamasynda.
