Ulttyq bank 1, 5, 10, 20 teńgelik monetalardyń materıaldary ózgergendigin habarlaıdy
ALMATY. QazAqparat - Qazaqstan Respýblıkasy Ulttyq banki 2013 jyly soǵylǵan, nomınaly 1, 5, 10, 20 teńgelik monetalardy daıyndaýǵa qoldanylatyn materıaldardyń ózgergenin habarlaıdy.
Buǵan sońǵy jyldary ulttyq valıýta monetalarynyń óndirisinde paıdalanylatyn metaldar qunynyń óskendigi sebep bolyp otyr. Sondyqtan monetalardyń ózindik qunyn tómendetý maqsatynda monetalar daıyndaýda mys-nıkel qospasymen galvanıkalyq qaptalǵan kómirtekti bolat qoldanyla bastady.
Mundaı materıaldardan daıyndalǵan monetalardyń ólshemderi birdeı: salmaǵy men dıametri sáıkes keledi. 1, 5 jáne 10 teńgelik monetalardyń túsi sary, al 20 teńgelik monetalar 2013 jylǵa deıin soǵylǵan monetalar sııaqty aq tústi.
«2013 jylǵa deıin aınalysqa shyǵarylǵan monetalar jáne bolatty qoldana otyryp jasalǵan monetalar zańdy tólem quraly bolyp tabylady jáne aqsha tólemi men aýdarymynyń barlyq túrlerinde qabyldanýǵa mindetti», - dep habarlaıdy Qazaqstan Respýblıkasy Ulttyq Bankiniń Uıymdastyrý jumysy, syrtqy jáne qoǵamdyq baılanystar departamenti.
