Ulttyq atom energetıkasyn damytýǵa qajet mamandardy daıarlaýǵa jiti mán berý kerek – ǵalym
«Memleket basshysy Qasym-Jomart Toqaevtyń Máskeýge sapary aıasynda elimizdiń Energetıka mınıstrligi men Reseıdiń «Rosatom» atom energııasy memlekettik korporatsııasy arasyndaǵy Qazaqstan Respýblıkasynyń atom energııasyn beıbit maqsatta paıdalaný salasyndaǵy qadrlardy daıarlaý jónindegi ózara túsinistik týraly memorandým rásimdelgen bolatyn. Bul memorandýmnyń Qazaqstan aýmaǵynda atom elektr stansasy qurylysyn júrgizýge esh qatysy joq. Ataýy aıtyp turǵandaı, atom energııasyn beıbit maqsatta paıdalaný salasynda kadrlar daıarlaýdy kózdeıdi. Óıtkeni, qazirgi ýaqytta elimizde ulttyq atom energetıkasyn damytýǵa qajetti joǵary bilikti mamandardy daıarlaýǵa jiti mán bergen abzal», - dedi ol.
Erbolat Qoıanbaev taıaýda ótken Úkimettiń keńeıtilgen otyrysynda Qazaqstan Prezıdenti atom elektr stansasyna qatysty paıymyn jetkizgenine nazar aýdartty.
Sonymen qatar AES salynǵan jaǵdaıda bilikti mamandardyń qajettiligi kúntártibine shyǵatyndyǵyn basa aıtty.
«Qazir respýblıka aýmaǵynda úsh zertteý reaktory, onyń ekeýi Kýrchatovta jáne bireýi Almatyda paıdalanylyp jatqanyn aıta ketý kerek. Atalǵan qondyrǵylardy basqara alatyn qajetti mamandar Ulttyq ıadrolyq ortalyǵynda da, ıAdrolyq fızıka ınstıtýtynda da bar. Álbette, bul mamandar AES-ke qajetti aýysymdyq jumysshylardy tolyq qamtamasyz ete almaıdy. AES-tiń qyzmetine jaraıtyn negizgi mamandardy qazaqstandyq joǵary oqý oryndary daıarlap jatyr. Bul - fızıkter, energetıkter, elektrıkter, avtomattandyrý jáne baqylaý-ólsheý aspaptary salasyndaǵy mamandar. ıAǵnı elimizde tehnıkalyq turǵydan bilimdi azamattar joq emes, biraq olar AES-te jumys isteý úshin qosymsha bilim alǵany mańyzdy», -dedi srapashy.
Onyń aıtýynsha, atomdyq energetıkany tıimdi damytý maqsatynda uzaq merzimdi negizde mamandar daıarlaýdyń memlekettik júıesin qurý qajet.
Oǵan birneshe urpaqty qamtıtyn eńbek resýrstary engiziledi.
