Ulttyq at sporty: «Uly dala rýhy» festıvaline irikteý ótti
ASTANA. QazAqparat - Astanada «Uly dala rýhy» festıvali aıasynda Batys Qazaqstan oblysynyń darabozdaryn irikteý jarysy ótti. Bul týraly «Habar 24» telearnasy habarlady.
Qazanat ıppodromynda Sportshylar «Jamby atý» men «Teńge ilýden» baq synady. Festıval erteń de jalǵasyp, aýdaryspaqtan saıys ótedi. Eki kúnge jalǵasatyn dodaǵa jalpy sany 40-tan asa sportshy qatysady. Іrikteý saıysynyń jeńimpazdary 2-shi kezeńge joldama alady. Al aqtyq báseke 11-16 qyrkúıek aralyǵynda Astanada ótedi.
Aıta keteıik, 4 shildede bastalǵan festıval eki jarym aıǵa sozylady. Oǵan respýblıka boıynsha myńnan astam sportshy qatyspaq.
«Búginde «Uly dala rýhy» ulttyq festıvaline 8 sport túri kirip otyr. Bul úlken jetistik. Búginde ár sport túriniń óziniń erejesi bekitilgen. Baǵdarlamasy bar. ıAǵnı ereje naqty memleket tarapynan bekitilip otyrǵannan keıin bunyn ary-qaraı damýyna úlken jol ashylady degen sóz», - dedi Ulttyq at sporty túrleri ortalyǵynyń dırektory Nursultan Ibragımov.
