Ulttyq arnanyń júrgizýshisin halyq tańdaıdy
ASTANA. 21 naýryz. QazAqparat - Astanadaǵy «Han Shatyr» saýda jáne oıyn-saýyq ortalyǵynda telejúrgizýshini tańdaýǵa arnalǵan saýalnama ótti.
Bul týraly «Qazaqstan» Ulttyq telearnasynyń baspasóz qyzmeti habarlady.
Saýalnamanyń maqsaty - Ulttyq arnanyń Jańalyqtar baǵdarlamasyna telejúrgizýshi tańdaý.
Osyǵan deıin arnaıy kastıng ótip, 100-ge jýyq úmitker baq synaǵan edi. Onyń ishinde 36 adam tańdalyp, kelesi kezeńge jiberildi. Búgingi kezeńde, kórermender osy úzdikterdiń ishinen saýalnama arqyly óz tańdaýlaryn jasady.
Aqmaral Qartabaeva, «Qazaqstan» AQ RTRK kadrlar jáne rekrýtıng bóliminiń bastyǵy:
- Bul aktsııanyń maqsaty - júrgizýshini halyqpen birge tańdaý. Kastıngqa qatysýǵa árkimniń múmkindigi boldy. Kelip, qatysyp jatqan adamdardyń arasynda osyǵan deıin kamera aldynda jumys istep kórmegender de kóp boldy - ınjener, arheolog bolyp jumys istegen adamdar bar.
Saýalnama nátıjesi boıynsha úmitkerlerdiń arasyndaǵy úzdigi Ulttyq arnanyń telejúrgizýshisi atanady.
