Ulttyq arnada - «Juldyzdy sát!»
ASTANA. 15 naýryz. QazAqparat - Naýryz aıynyń 23-i kúni «Qazaqstan» Ulttyq arnasynda osyndaı atpen elimizde buryn sońdy bolmaǵan arnaıy megajobanyń tusaýy kesiledi.
«Juldyzdy sát» teledýmany arqyly qalyń kórermen elimizdegi qarapaıym jandardyń tań qalarlyq ónerine kýá bolyp, tamashalaı alady. Naýryz, sáýir aılarynda jobanyń alǵashqy irikteý kezeńderi kórsetiledi. Mamyr, maýsym aılarynda ótetin jartylaı fınal men aqtyq syndy kórermen tikeleı efırde tamashalaıdy. Bul kezde jeńimpaz kórermender joldaǵan «SMS» daýys berý arqyly anyqtalady.
Bas júldege 5 mln teńge taǵaıyndalǵan. Qazylar alqasynyń quramynda Qazaqstannyń halyq ártisi Tuńǵyshbaı ál-Tarazı, Qazaqstannyń eńbek sińirgen ártisi Maıra Muhamedqyzy jáne Sıdneı olımpıadasynyń júldegeri Islam Baıramýkov bar. Atalǵan baǵdarlama aǵylshynnyń "Britain's Got Talent" jobasy negizinde jasalyp otyr. Joba túrli atpen álemniń 40 elinde kórsetildi. Túp negizi Ulybrıtanııada jasalǵan baǵdarlamany qazaq jerinde kórsetý quqyna Ulttyq arna ıe boldy.
Shyǵarmashylyq top jobanyń tartysqa toly qyzý da, tartymdy ótetinin aıtyp otyr. Sebebi, respýblıka boıynsha ótken irikteý kezinde ónerpazdardyń eń úzdikteri ǵana tańdap alyndy. Kastıng byltyr jeltoqsan aıynyń 21-i men 28-i aralyǵynda barlyq oblys ortalyqtarynda, sondaı-aq Almaty men Astana qalalarynda ótti. Oǵan elimizdiń ár óńirinde turyp jatqan erekshe óner ıeleri qatysty. Bul jobaǵa qatysýshylardyń jas ereksheligi men mamandyǵyna shekteý qoıylǵan joq.
Baǵdarlamanyń maqsaty - elimizdiń túkpir-túkpirinde júrgen beımálim daryn ıelerin qalyń jurtshylyqqa tanytý.
«Juldyzdy sát» teledýmany ár senbide saǵat 21.05 bolady. Ár beısenbi kúni jobanyń kúndeligi kórermen nazaryna usynylady.
