Ulttyq arnada - «Jedel járdem» atty otandyq jańa telehıkaıa
ASTANA. QazAqparat - 2014 jyldyń 9 sáýirinen bastap, saǵat 21.50-de «Qazaqstan» Ulttyq telearnasynda «Jedel járdem» atty jańa otandyq telehıkaıa kórermenderge jol tartady, telearnanyń baspasóz qyzmeti.
Telehıkaıa - qazaqstandyq densaýlyq saqtaý salasynyń zamanaýı jetistikteri men óz qamyn umytyp, ózgeniń ómiri úshin arpalysatyn dárigerlerdiń kún saıynǵy erlikteri týraly baıandaıdy.
Oqıǵa jelisi aıyqpas júrek aqaýynan alty jasar qyzy operatsııa ústelinde kóz jumǵan erli-zaıypty Іlııasovtardyń ymyraǵa kelmeıtin kúrdeli qarym-qatynasy arqyly órbıdi.
Olar basqa túsken aýyrtpalyqty birge kóterýge qaýqarsyzdyq tanytady. Sol kúıi olar ózekti órtegen ókinish, kinálaý sezimi, bir-birine narazylyq pen qyzdaryn qutqaryp qalý úshin qoldan kelgenniń bárin isteı almaǵan sharasyzdyq aýyrtpalyǵynan aryla almaıdy... Sondyqtan da Alma júrek aqaýynan zardap shekken bóten qyz balany asyrap alǵysy keledi. Bul usynysqa Ermek úzildi-kesildi qarsy bolady. Al, shyntýaıtynda, Ermek burynǵy jaryn baıaǵysha súıedi, sondyqtan da, qaıǵyly oqıǵanyń qaıtalanǵanyn qalamaıdy. Osyndaı shıyrshyq atqan kúrdeli sezim men emotsııa syrtqa shyqqan saıyn, kórermenderdiń kóńil tolqynysyn týdyryp, olardy oqıǵaǵa beı-jaı qaldyrmaıdy. Ótken ómiri, qaıǵysy ortaq erli-zaıyptylar san túrli synaqtan ótedi. Biraq, aqyr-sońynda asyrap alǵysy keletin qyzdyń ómirin saqtap qalǵan olar, bir-birin keshire ala ma? Oqıǵanyń qalaı órbıtinin bilgińiz kelse, «Qazaqstan Ulttyq arnasynan 9 sáýirden bastap, saǵat 21.50-de «Jedel járdem» telehıkaıasyn tamashalańyzdar.
