Ulttyq arnada jańa joba - «Áıel baqyty» tok-shoýy
ASTANA. 6 qyrkúıek. QazAqparat - 9 qyrkúıekte «Qazaqstan «Ulttyq telearnasynda «Áıel baqyty» atty jańa tok-shoýdyń tusaýy kesiledi - dep habarlady «Qazaqstan» AQ» respýblıkalyq teleradıo kesheniniń baspasóz hatshysy Tanakóz Tolqynqyzy.
Jańa jobada bir qolymen besikti, bir qolymen álemdi terbetetin áıelderdiń bedeli, otbasyndaǵy kúıi, áleýmettik jaǵdaıy, bala tárbıesindegi mańyzy, erli-zaıyptylardyń búgingi bolmysy qozǵalady. Kerekti keńes, ádemiliktiń qupııasy, sán jáne t b. máseleler kóteriledi.
«Áıel baqyty» tikeleı efırde aptasyna 5 ret kórsetiledi. Bul baǵdarlamanyń ereksheligi - kórermender tikeleı efır kezinde jáne odan tys ýaqytta da óz saýaldaryn telefon nemese elektrondy poshta arqyly joldaı alady. Tok-shoýdyń tusaýkeser sany «Armanym adastyrmasa eken» dep atalady. Alǵashqy baǵdarlama jar tańdaýda jańylmaýdyń mańyzy jaıly bolmaq. Tok-shoýdyń júrgizýshileri Láılá Sultanqyzy, Qaragóz Súleımenova jáne Áıgerim Esenáli.
«9 qyrkúıek kúni saǵat 14-55-te «Qazaqstan» Ulttyq arnasynan «Áıel baqyty» atty tok-shoýdy tamashalap, tikeleı efırde suraq qoıýǵa shaqyramyz», - delingen habarlamada.
