Ulttyq arnada «JańǵyryQ» jobasy bastalady
NUR-SULTAN. QazAqparat - «Qazaqstan» telearnasy otandyq ánshilerdiń qatysýymen «JańǵyryQ» jobasyn bastaıdy, dep habarlaıdy QazAqparat tilshisi.
«Basym baǵytymyz - ulttyq án-kúı óneri. «Men qazaqpyn» ulttyq mega jobasy men «Uly dala sazy» jobasy - aqparattyq keńistigimizdegi ulttyq mýzyka baǵytyndaǵy biregeı jobalar retinde óz ornyn aıqyndady. «Qazaqstan» telearnasynyń kórermenderi sanalýan, sonyń ishinde jastardyń úlesi kóp. Sol jastardyń otandyq mýzykany tyńdap, talǵamy men tańdaýy qatar damýy úshin zamanaýı mýzykaǵa da den qoıyp otyrmyz. Jańashyl týyndylar usynyp júrgen jastardy da qoldap kelemiz. Óz jerimizde paıda bolǵan q-pop janrynyń jankúıerleri de kóp. Qazaq tili men qazaq mýzykasyn túrlendirip, ózdiginshe damytqan bul sýbmádenıetke de arnamyz efırinen oryn berdi», - dedi joba prodıýseri Maqpal Jumabaı OKQ-da ótken baspasóz máslıhatynda.
Onyń aıtýynsha, elimizdiń mádenı ómirindegi eleýli oqıǵa - Dımash Qudaıbergenniń halyqaralyq deńgeıdegi «Arnaý» atty iri kontsertin «Qazaqstan» teleradıokorporatsııasy uıymdastyryp otyr.
«Nazarlaryńyzǵa usynyp otyrǵan «JańǵyryQ» jobasy zamanaýı qazaq mýzykasynda óz jolyn salyp kele jatqan avtorlyq mýzykaǵa arnalǵan. Bul joba ózindik oıymen, oryndaý mánerimen, shyǵarmashylyq ıdeıasymen erekshelenetin avtorlardy jınaıtyn mýzykalyq alań. «JańǵyryQ» - avtorlyq mýzyka men jandy dybysty nasıhattaıtyn elimizdegi birden-bir mýzykalyq joba. Bul joba mýzyka salasyndaǵy avtorlyq kózqaras pen oryndaýshylyq ózgeshelikterdi kórsetýimen qundy. Joba buqaralyq sıpat alǵan búgingi án ónerine jańa tynys beredi. Sol arqyly ózindik áýezi men ustanymy bar avtorlardyń qalyptasýyna sebep bolmaq. Biz «JańǵyryQ» jobasy arqyly jańa mýzykalyq baǵyttardyń, mádenı qaýymdastyqtardyń týýyna yqpal etemiz dep senemiz», - deıdi Maqpal Jumabaı.
«JańǵyryQ» jobasy 4 kontsertten turady. Joba ereksheligi - ár oryndaýshynyń óz mýzykalyq toby bar jáne ol óziniń avtorlyq týyndylaryn ǵana oryndaıdy. Jobaǵa eksperımentaldy elektrondy mýzyka ókilderi de qatysady. Al túsirilim bir dýblmen, kontserttiń shynaıylyǵyn saqtaý arqyly júzege asqan. Dybys pen vıdeo sapasyn qamtamasyz etý úshin arnaıy rejısserlyq top pen dybys rejısserleri jumys istegen.
«Jandy daýystaǵy kontsertter men live formattaǵy jobalarǵa ǵana qatysamyn dep osydan bir jyl buryn sheshim qabyldaǵan edim. Degenmen, bul ustanymymyzdy júzege asyratyn alańdar az boldy. Osy rette «Qazaqstan» telearnasynyń bul bastamasy óte mańyzdy. Mundaı jobalar biz sekildi ánshi-avtorlardyń shyǵarmashylyq múmkindigin ashýǵa, jandy dybystyń saltanat qurýyna jáne tyńdarmannyń talǵamynynan shyǵýǵa yqpal etedi», - deıdi Maqpal Jumabaı.
Jobaǵa 12 oryndaýshy - Moldanazar toby, Marhaba Sábı, Satzhan project, Maqpalsher, Darkhan Juzz, Jeltoksan, DAMU, Qonyratbay Fam, Qudyr, ARShAT, ámir qatysyp otyr.
«JańǵyryQ» jobasynyń tusaýkeserin 6 sáýir kúni saǵat 11:40-ta «Qazaqstan» Ulttyq arnasynan kórýge bolady. Aıta keteıik, «JańǵyryQ» jobasynyń ıdeıa avtory - Erlan Qarın, prodıýseri - Maqpal Jumabaı, qoıýshy-rejısseri - Toǵjan Qurmanjanqyzy, dybys rejısseri - Oralhan Sádýaqas.
