Ulttyq arnada «Beımálim Alash» atty derekti fılmder toptamasy efırge shyǵady
ASTANA. QazAqparat - «Qazaqstan» ulttyq arnasynda jýyq arada «Beımálim Alash» atty derekti fılmder toptamasy efırge shyǵatyn boldy. Bul týraly óziniń Feısbýk paraqshasynda «1 stýdııa» qoǵamdyq-saıası tok-shoýynyń júrgizýshisi, belgili telejýrnalıst Berik Ýálı jazdy, dep habarlaıdy QazAqparat tilshisi.
«Ulttyq arnanyń taǵy bir jańa jobasy «Beımálim Alash» derekti fılmder toptamasy jýyrda efırge shyqpaq. Dál qazir osy jobanyń alǵashqy bólimderin talqyladyq. Fılmde Alash arystarynyń buryn kóp zerttele qoımaǵan tulǵalary men sol kezdegi qazaq dalasynyń segiz qıyr, tórt tarabyna jasalǵan beımálim saparlary qamtylǵan. Telearna basshysy (Erlan Qarın - avt.) erledi. Ol basty arnaǵa kelgeli, Alashtyń rýhy kóterilip, alapasy aspandap tur. «Rýhanı jańǵyrý» degen shyn máninde osylaı bolmaq», - dep jazdy Berik Ýálı.
Aıta ketsek, «Qazaqstan» ulttyq telearnasynyń bastamasymen budan buryn kórermenge Alash qaıratkerleriniń taǵdyryn arqaý etken «Tar zaman» telehıkaıasy jol tartqan edi. Onyń keıipkerleri - bir ǵasyr buryn azattyq úshin kúresken Alashorda qozǵalysynyń kósemi men músheleri. Bul serıalda jalpy 37 tarıhı keıipker beınelengen.
