Ulttyq arna muraǵatta saqtalǵan telebaǵdarlamalardy kórsetedi
ASTANA. QazAqparat - Qazaq televızııasynyń 60 jyldyǵynyń qarsańynda «Qazaqstan» ulttyq arnasy muraǵatta saqtalǵan telebaǵdarlamalardy kórsetedi, dep habarlaıdy «QazAqparat» teleradıokorporatsııanyń basshysy Erlan Qarınge silteme jasap.
«Qurmetti dostar! Qazaq televızııasynyń 60 jyldyǵynyń qarsańynda Ulttyq arna efırinde muraǵatymyzda saqtalyp qalǵan, kezinde kórermenniń ystyq yqylasyna bólengen telebaǵdarlamalardy kórsetýdi jón kórdik. Osy jeksenbi kúni, ıaǵnı 4 aqpan kúni 15:05-te kezinde osy teleradıokorporatsııanyń tóraǵasy bolǵan, Qazaqstannyń halyq jazýshysy Sherhan Murtazanyń 1993 jyly túsirilgen "Ult jáne sana" baǵdarlamasy efırge shyǵady», - dep jazdy Erlan Qarın óziniń Feısbýktegi paraqshasynda.
Baǵdarlama taqyryby "Rý qymbat pa, ult qymbat pa" dep atalady jáne oǵan memleket qaıratkeri, etnograf Ózbekáli Jánibekov pen jazýshy, dramatýrg Smaǵul Elýbaı qatysqan.
Arna basshysy 25 jyl buryn kóterilgen taqyryptyń áli kúnge deıin ózekti ekenin atap ótti.
