Ulttyq arna qashan da ulttyq qundylyqtarǵa qyzmet ete beredi - Erlan Qarın
ASTANA. QazAqparat - «Tumar» báıgesiniń «Úzdik aqparattyq baǵdarlama», «Úzdik oıyn-saýyq jobasy» nomınatsııalary boıynsha jeńimpazdar anyqtaldy, dep habarlaıdy «QazAqparat» HAA tilshisi.
«Úzdik aqparattyq baǵdarlama» nomınatsııasy boıynsha - 31 arnanyń «Informbıýro» baǵdarlamasy eń úzdik dep tanyldy. Al «Úzdik oıyn-saýyq jobasy» nomınatsııasynda - Ulttyq arnanyń bastamasymen kórermenge jol tartqan «Men Qazaqpyn» jobasynyń shoqtyǵy bıik boldy.
«Ulttyq arna qashan da, qaı kezde de ulttyq qundylyqtarǵa qyzmet ete beredi. Barsha áriptesterimdi quttyqtaı otyryp, qashan da ulttyq múddege adal bolaıyq degim keledi», - dedi «Qazaqstan» RTRK basqarma tóraǵasy Erlan Qarın.
Eske sala ketsek, «Tumarǵa» ótinimderdi qabyldaý tolyǵymen avtomattandyrylyp, kaztube.kz portalynyń negizinde júzege asyrylǵan bolatyn. Báıgege qatysýshylardyń joǵary belsendilikterin atap ótý kerek. Ótinimderdi qabyldaý kezeńinde kaztube.kz portalyna kirýshiler sany 80%-ǵa ósti, al ótinimder sany byltyrǵy kórsetkishke qaraǵanda 1,6 esege artty (240 ótinim).
2018 jyly «Tumarǵa» 397 konkýrstyq jumys kelip tústi. Olardyń ishinde qazylar alqasy Báıge erejesiniń talaptaryna sáıkes rásimdelgen 355 konkýrstyq ótinimdi qarady.
Aǵymdaǵy jylǵy báıgege 14 nomınatsııa boıynsha ótinimder qabyldaý 15 qańtar men 1 naýryz aralyǵynda júrgizilgen.
