Ulttyq arna efırinde - «MýzART LIVE» mega-jobasy

«MýzART LIVE» mýzykalyq telejobasyna 16 jastan 25 jasqa deıingi aralyqtaǵy talantty er jigitter qatysa alady. Úmitkerlerdiń mýzykalyq biliminiń bolýy shart emes. Sondaı-aq, mýzykalyq talǵamy men oryndaýshylardyń quramyna da (solo, dýet, top) mán berilmeıdi. Eń basty talap - qatysýshy memlekettik tilde án aıta bilýge mindetti.

«MýzART LIVE» mýzykalyq baıqaýy 3 kezeńnen turady:

І kezeń - Onlaın irikteý (kastıng) 15 naýryzdan 15 sáýir aralyǵynda ótedi ( onlaın ótinish bergen úmitkerlerdiń jumysy qaralady).

ІІ kezeń - Aımaqtyq irikteý «MýzART» tobynyń qatysýymen ótpek.Baıqaýdyń aımaqtyq irikteý kezeńi 10 mamyrdan 25 mamyr aralyǵynda Qazaqstannyń 5 qalasynda - Astana, Almaty, Atyraý, Semeı jáne Shymkentte ótedi.

Ekinshi kezeń bitkennen keıin qazylar alqasy 2 aptanyń ishinde baıqaýdyń úshinshi kezeńine joldama alatyn 60 úmitkerlerdiń esimin jarııalaıdy. Ulttyq mýzykalyq telejobanyń ІІІ kezeńi úmitkerlerge teletúsirilimge qatysý múmkindigin beredi.

ІІІ kezeńge ótken úmitkerler stıl, ımıdj, repertýar, horeografııa salasy boıynsha uıymdastyrý komıtetinen keńes alady dep josparlanyp otyr. Aqtyq synda bar-joǵy 6 adam baǵyn synaıdy.

Qatysý erejesi boıynsha tolyq aqparatty www.kaztrk.kz, www.viamuzart.kz resmı saıttarynan, Jobanyń @muzartlive_official resmı instagram paraqshasynan alýǵa, sondaı-aq onlaın ótinishterdi show@muzart.kz e-mail adresine joldaýǵa bolady, dep habarlaıdy «Qazaqstan» RTRK» AQ baspasóz qyzmeti.