Ulttyq arna «Altyn qordy» qaıta jańǵyrtty
ASTANA. QazAqparat - 3 mamyrdan bastap «Qazaqstan» Ulttyq telearnasy «Altyn qorda» saqtalǵan qundy beınejazbalar kórsetiletin «Іnjý- Marjan» atty jańa baǵdarlamaaralyq telejobany kórermen nazaryna usynady, dep habarlaıdy «QazAqparat» HAA tilshisi.
Telejoba qazaq ulttyq óneriniń dástúrli án-kúılerin, óleńderin, jyr-termelerin nasıhattaýǵa, halyqty otandyq klassıkamen sýsyndatýǵa baǵyttalǵan.
«Qazaq ónerine asa qundy, máńgi ólmes, baı mura qaldyrǵan ónerpazdar esimin umyttyrmaı, asqaqtatý úshin Ulttyq arnanyń «Altyn qorynda» saqtalǵan óz oryndaýlaryndaǵy án-kúılerdi efırden kúndelikti berýdi josparlap otyrmyz. Olardyń arasynda Kenen Ázirbaev, Dına Nurpeıisova, Maǵaýııa Hamzın, Kúlásh Baıseıitova, Rahym Tájibaev, Jamal Omarova, Elemes Talasbaıuly, Jánibek Kármenov syndy qazaq óneriniń shoqtyǵy bıik tulǵalary bar», - dep jazdy telearna basshysy Erlan Qarın óziniń Facebooktegi paraqshasyna .
Joba jetekshileri - Asqar Áshimov pen Shynar Yhsanǵalıeva, prodıýserleri - Qýanysh Súleımenov pen Bolatbek Baıanhan, rejısseri - Gúlnash Ábisheva.
