Ulttyq arhıvtegi asharshylyqqa qatysty qujattardyń qupııalyq merzimi əli ótpegen
«Qazaqstan Respýblıkasy Bas prokýratýrasynyń málimetinshe, ótken ǵasyrdyń 1920-1930 jyldarynda repressııaǵa ushyraǵan adamdar týraly birqatar qupııa jəne qupııa emes arhıvtik materıaldar Mədenıet jəne sport mınıstrliginiń Ulttyq arhıviniń saqtaýyna, onyń ishinde zertteý maqsatynda paıdalaný úshin tapsyrylǵan. Kórsetilgen qujattar Qazaqstandaǵy ótken ǵasyrdyń 1920-1930 jyldaryndaǵy asharshylyqqa qatysty belgiler boıynsha jiktelmegen. Bul rette «Memlekettik qupııalar týraly» QR Zańynyń 20-babyna səıkes osy qujattardy qupııasyzdandyrý merzimderi əli ótpegen», - delingen Asqar Mamınnyń jaýabynda.
Jalpy, onyń dereginshe, Ulttyq muraǵat qorynda respýblıkalyq, oblystyq arhıvteri deńgeıinde Qazaqstan aýmaǵyndaǵy 1921-1922 jáne 1929-1932 jyldar aralyǵynda bolǵan asharshylyqtarǵa qatysty 250 saqtaý materıaly bar. Táýelsizdik alǵan jyldardan beri Qazaqstan Respýblıkasy Ortalyq memlekettik arhıvi 1921-1922 jyldardaǵy asharshylyqqa qatysty málimetterdi qamtıtyn Qazaq AKSR Halyq Komıssarıattar keńesi men Ortalyq atqarý komıteti qorlarynyń qujattaryna tolyqtaı qupııasyzdandyrý jumysyn júrgizip, ǵylymı aınalymǵa engizdi. Olardyń negizinde «Arhıv aıǵaq», «Alash Mıras» atty, 2014 jyly Prezıdent arhıvimen arhıv qujattary negizinde «Tragedııa kazahskogo aýla.1928-1934 gg.» atty qujattar men materıaldar jınaǵy jaryqqa shyǵaryldy.
«Múddeli memlekettik organdar suranystarǵa sáıkes jáne tıisti negizder bolǵan jaǵdaıda muraǵatty zertteýge qajetti ruqsattardy berý jáne qupııalylyq rejımi bar qujattarǵa qol jetkizý boıynsha jumystardy turaqty negizde júrgizip keledi», - delingen jaýapta.
