«Ulttyq aqparattyq tehnologııalar» AQ Qazaqstannyń jetekshi joǵary oqý oryndarymen yntymaqtastyq týraly memorandýmdarǵa qol qoıdy
ASTANA. Qarashanyń 26-sy. QazAqparat /Marlan Jıembaı/ - Búgin elordada «Ulttyq aqparattyq tehnologııalar» AQ- men Qazaqstannyń jetekshi joǵary oqý oryndarynyń arasynda yntymaqtastyq týraly uzaq merzimdi kelisimsharttar men memorandýmdarǵa qol qoıyldy,
dep habarlaıdy QazAqparat.
«Zerde» Ulttyq aqparattyq kommýnıkatsııalyq holdıngi» AQ tóraǵasynyń orynbasary Ázıza Shójeevanyń aıtýynsha, holdıng qyzmetiniń basty baǵyttarynyń biri Qazaqstandaǵy AT (aqparattyq tehnologııalar) salasyndaǵy bilim berýdiń damýyna kómek kórsetý. Osyǵan oraı búgingi ótken is-sharanyń negizgi maqsaty joǵary deńgeıdegi AT mamandaryn daıyndaý úshin joǵary oqý oryndarynyń kúsh-qýatyn nyǵaıtýǵa baǵyttalǵan.
«Birinshiden, osy memorandýmnyń kómegimen JOO-lar bizdiń enshiles kompanııalardy ózderiniń stýdentteri úshin tájirıbe alańy retinde paıdalaný múmkindigine ıe bolady. ıAǵnı osy bilim ordalarynyń stýdentteri iri memlekettik AT jobalarynyń júzege asyrylýy barysy jaıynda tolyqqandy bilim alyp, tájirıbe jınaqtaıdy. Ekinshiden, biz AT jobalar boıynsha etene jumys isteýge múmkindik alamyz», dedi ol.
Sonymen «Ulttyq aqparattyq tehnologııalar» AQ -men Halyqaralyq AT ýnıversıteti, «Halyqaralyq baǵdarlamalar ortalyǵy» AQ, MMÝ-diń Astana qalasyndaǵy fılıaly, S.Seıfýllın atyndaǵy Qazaq agrotehnıkalyq ýnıversıteti, Astana qalasynyń polıtehnıkalyq kolledji, Qaraǵandy memlekettik tehnıkalyq ýnıversıteti, Qazaqstan-brıtan tehnıkalyq ýnıversıteti, «Qarjy akademııasy» AQ yntymaqtastyq týraly memorandýmǵa qol qoıdy.
