Ulttyq aqparattyq keńistikti damytýdyń ózekti máseleleri talqylandy
ALMATY. Jeltoqsannyń 2-si. QazAqparat /Erbol Azanbek/ - Búgin Ál-Farabı atyndaǵy Qazaq ulttyq ýnıversıtetiniń jýrnalıstıka fakýltetinde «Ulttyq aqparattyq keńistikti damytýdyń ózekti máseleleri» atty dóńgelek ústel májilisi ótip jatyr,
dep habarlaıdy QazAqparat.
Otyrys barysynda Astanada ótedi dep josparlanǵan І halyqaralyq qazaq jýrnalısteriniń forýmynda kóteriletin taqyryptar talqylanýda. Máselen, Astanada kóteriletin tuńǵysh halyqaralyq forým qandaı máselelerdi qamtýy tıis, konfessııaaralyq, dinaralyq, etnosaralyq máselelerdi jarııalaýdaǵy ulttyq BAQ ustanymy otyrystyń basty taqyryptary boldy. Otyrysqa BAQ-nyń basshylary men belgili jýrnalıster qatysty.
«Álemdik «myltyqsyz maıdanda» bizdiń ulttyq aqparattyq keńistigimizdiń jaı-kúıi árkimdi tolǵandyratyny sózsiz. Óıtkeni, aqparattyq qaýipsizdik - memlekettik qaýipsizdik. Alaıda, biz ony naqty túsine alyp otyrmyz ba? Aqparattyq ekspansııada ulttyq aqparattyq qaýipsizdigimizdiń ımmýnıteti qalyptasqan ba? Aqparattyq naryqta ulttyq jýrnalıstıkamyzdyń áleýeti qanshalyqty? Osy máselelerge jaýapty búgin BAQ basshylary men jýrnalıstermen birge talqylap, ortaq usynystar qabyldaımyz. Ol odan ári Astanada ótetin forýmda belgili bir sheshimder qabyldaýǵa áser eteri sózsiz», deıdi QazUÝ-dyń baspa isi kafedrasynyń meńgerýshisi Saǵatbek Medeýbekuly.
Otyrysqa qatysýshylardyń aıtýynsha, ulttyq aqparattyq keńistigimizde sheshimin tappaǵan ózekti másele kóp. Sondyqtan Astanada ótetin alqaly jıynǵa úmit úlken.
