Ulttyq akademııalyq kitaphanada Sh.Ýálıhanovtyń týǵanyna 175 jyl tolýyna arnalǵan kesh ótti

Keshti ashqan Ulttyq Akademııalyq kitaphananyń bas dırektory Raqymjan Otarbaev, Sh.Ýálıhanov HІH ǵasyrdaǵy qazaq zııalylarynyń kóshbasshysy bolǵan dara tulǵa, qazaqty bútin Reseı eline, Batys Eýropaǵa tanytqan úlken qaıratker ekendigin atap ótti.

«Quıryqty juldyzdaı aǵyp ótken qysqa ǵana ǵumyrynda bes tomdyq úlken eńbek jazdy, artynda qanshama sýretteri qaldy. Sh.Ýálıhanov Qashǵarııany zerttegen, Semenov Tıan-Shanskııdiń shákirti jáne Tıan-Shanskıı ózi bas bolǵan Akademııanyń tolyq múshesi retinde saılanǵan tuńǵysh qazaq ǵalymy», - dedi ol.

Shara barysynda Sh.Ýálıhanovtyń eskızderi, sýretteri men nobaılarynyń kórmesi, onyń eskızderi boıynsha jasalynǵan áıelderdiń ulttyq bas kıimderi, onyń ishinde kımeshek, sáýkele, taqııa, qasaba kórmesi uıymdastyryldy. Sondaı-aq birtýar ǵalymnyń shyǵý tegin, onyń bilim-ǵylym joldaryn, zertteýleri men saıahattaryn, dostary men qarym-qatynastaryn baıandaıtyn planshetter ilindi.

Kórmeniń avtory, etnograf Symbat Muhamedıarovanyń aıtýynsha, kórme barysynda Sh.Ýálıhanovty sýretshi qyrynan ashýǵa basa nazar aýdarylǵan. Sebebi, ol ózin qylqalam óneriniń barlyq janrynda tanyta bilgen. Olardyń arasynan portretter, tabıǵat, halyq ómiri men geografııalyq kartalardy kórýge bolady. Kórmege qoıylǵan bas kıim úlgileri, onyń «Ystyq kól qyrǵyzdarynyń áıelderi» atty sýretindegi úlgiler boıynsha tigilgen.