Ulttyq akademııalyq kitaphanada «Konstıtýtsııa» zaly ashyldy (FOTO)
Zaldyń ashylý saltanatyna qatysqan QR Konstıtýtsııalyq keńesiniń tóraǵasy Igor Rogov zalǵa tartý retinde qazaqtyń tuńǵysh zańger ǵalymy Taıyr Kúlteleevtiń jańa baspadan shyqqan «Qazaqtardyń qarapaıym qylmystyq quqyǵy» atty kitapty tabys etti. Taıyr Kúlteev uzaq jyldar kóz maıyn taýysyp jazǵan doktorlyq dıssertatsııasyn aıaqtaǵanymen, ony qorǵaı almaı, ómirden ozǵan. Degenmen, bir top ǵalymdar 1955 jyly dıssertatsııa materıaldaryn monografııa retinde jaryqqa shyǵarǵan.
«Konstıtýtsııalyq keńestiń atynan barlyqtaryńyzdy kele jatqan Konstıtýtsııa kúnimen quttyqtaımyn! Bul kún - memleketimiz úshin eń mańyzdy meıramdardyń biri. Al osy kúnge oraı Ulttyq kitaphanada arnaıy «Konstıtýtsııa» zalynyń ashylýy sabaqtastyqqa ıe. Konstıtýtsııa kúni qur baǵdarlamamen ótkizetin mereke emes, bul - maǵynasyn joǵaltpaı atap ótýge mindetteıtin mereke. Eleýli kún qarsańynda Ata zańymyzdyń ár betin paraqtap, ótken men bolashaqty salystyrý kerek. Sebebi, Konstıtýtsııanyń rólin bir sózben, bir aıtýly kúnmen túsindirý qıyn. Konstıtýtsııa - Qazaqstannyń berekeli de beıbit damýynyń basty kepili», - dep atap ótti Igor Rogov arnaıy zaldy asha otyryp.
Jalpy, jańa zaldaǵy eksponattar 4 bólimnen turady. Alǵashqy bólim qazaq halqynyń ádet-ǵurpy, sol salt-dástúrdiń astarynda jatqan óz erejeleri, ekinshi bólim - Qazaqstan Konstıtýtsııasynyń tarıhyna arnalǵan materaldardan turady.
Zaldyń taǵy bir buryshy Qazaqstan Respýblıkasynyń 1995 jylǵy Konstıtýtsııasyna arnalsa, shet elderdiń Konstıtýtsııalary týraly taǵy bir bólim bar. Munda kez kelgen oqyrmanǵa osy taqyryptar boıynsha qyzyqty ári sırek kezdesetin derekter usynylady.
