Ulttyq akademııalyq kitaphanada Hıýaz Dospanovany eske alý keshi ótti

ASTANA. QazAqparat - Búgin Astanadaǵy QR Ulttyq akademııalyq kitaphanasynda Uly Jeńistiń 70 jyldyǵyna oraı Halyq qaharmany, qazaqtyń tuńǵysh ushqysh batyr qyzy Hıýaz Dospanovaǵa arnalǵan «Qyran qanatyndaǵy jyr» atty ádebı poetıkalyq kesh ótti.

Aıta keteıik, kesh qazaqtyń qaharman qyzy Hıýaz Dospanovanyń dúnıeden ótken kúnine oraılastyrylyp ótkizilip otyr. Batyr qyz 1922 jyly mamyrdyń 15-inde dúnıege kelip, 2008 jyly mamyrdyń 21-inde ómirden ozǵan.

Eske alý keshinde Astana qalasyndaǵy №54 mektep-lıtseıiniń oqýshylary arnaıy daıyndaǵan qoıylymyn kórermender nazaryna usyndy.

Ushqyshtyq ómir jolyn Oraldyń aeroklýbynda bastaǵan Hıýaz Dospanova soǵys jyldarynda áıgili ushqysh Marına Raskova basqarǵan 46-gvardııalyq polkiniń quramynda bolyp, 300-den astam áýe shaıqasyna qatysyp, teńdessiz erligi úshin «qanatty qyz» atanyp, aty ańyzǵa aınaldy.

2004 jyly Elbasymyz N. Á. Nazarbaevtyń Jarlyǵymen Hıýaz Dospanovaǵa «Halyq qaharmany» ataǵy berildi.