Ulttyq agrarlyq ǵylymı-bilim berý ortalyǵynyń Dırektorlar keńesi jańardy

ASTANA. QazAqparat - Búgin Aýyl sharýashylyǵy mınıstrliginde «Ulttyq agrarlyq ǵylymı-bilim berý ortalyǵy» kommertsııalyq emes AQ  Dırektorlar keńesiniń kezekten tys ótken otyrysy ótti, dep habarlaıdy QazAqparat.

QR AShM baspasóz qyzmetiniń málimetinshe, onda  Qazaqstan Respýblıkasy Premer-Mınıstriniń orynbasary - Aýyl sharýashylyǵy mınıstri Asqar Myrzahmetovtiń sheshimimen Dırektorlar keńesiniń tóraǵasy men músheleriniń ókilettigi merziminen buryn toqtatylyp, keńestiń jańa quramy saılandy.

Qaıta saılanǵan dırektorlar keńesi quramynyń tóraǵasy bolyp Aýyl sharýashylyǵy birinshi vıtse-mınıstri Qaırat Aıtýǵanov saılandy.

Ǵylymı zertteýler nátıjeleri men tıimdi tehnologııalardy AÓK salasyna engizý jáne joǵary bilikti mamandardy daıyndaý maqsatynda 2015 jyly QR Úkimetiniń qaýlysymen QR AShM «Ulttyq agrarlyq ǵylymı-bilim berý ortalyǵy» KeAQ quryldy. Onyń basqarýyna 3 agrarlyq JOO, 31 fılıaly bar 23 ǵylymı-zertteý ınstıtýty, 14 tájirıbelik-óndiristik sharýashylyq pen 4 servıstik kompanııa berilgen bolatyn.

Qazirgi ýaqytta Qazaqstannyń agrarlyq ǵylymy jalpy kólemi 4,9 mlrd teńgeni quraıtyn 200-den astam grant pen 27 ǵylymı-tehnıkalyq baǵdarlamalany iske asyrýda. Zertteýlerdiń baǵyty ylǵal saqtaý, organıkalyq jáne eginshilik tehnologııalaryn, taýarlyq balyq sharýashylyǵyn, qorshaǵan ortany qorǵaý jáne aýyl sharýashylyǵy ónimin óńdeýdi damytýǵa baǵyttalǵan.

Jyl saıyn ǵylymı zertteýlermen 6000 astam sharýashylyq qamtylǵan, bul tirkelgen 218 myń AÓK sýbektileriniń 2,75 paıyzyn quraıdy.

Aıta keteıik,  2017 jyldyń 1 qańtary boıynsha ǵylymı zertteýlermen aınalysatyn qyzmetkerler sany 4 163 adamdy qurady, olardyń ishinde 1 392-si ǵylymı qyzmetker.